السلام عليكم ورحمة الله وبركاته
أولا بحكي لكم قصتي المأساوية مع شعري
كان يا مكان في قديم الزمان- تقريبا قبل 6 سنين- كانت هناك فتاة إسمها ؟؟؟؟ كان شعرها مرة طويل ومرة كثير وملفت للإنتباه ومن جمال شعرها كانوا الناس يتكلمون فشعرها وهي مو مصدقة إن الناس يحكون فيها ومن غباها كانت البنت تدلع فيه ودائما تفتحة في المدرسة وعند الناس يعني ما كانت حاسة بالنعمة إللي فيها إلين ما تساقط شعرها وصار ما يسوى ربع أول:06: ما أدري هي عين ولا إيش بالضبط ؛ طبعا مثل ما ذكرت القصة هي قصتي، و أمنيتي إن يرجع شعري مثل أول والله يا بنات إني تعبت ومدري وش أسوي مع العلم إني جربت أشياء كثيرة ومن ضمنها مسحت أرضية المدرسة والأبواب والبعض الطاولات بالعربي لمعت المدرسة :crap: وإستخدمتها لشعري نصحتني بهالحركة أستاذة وساعدتني فيها ، واستخدمت بول الناقة بس ما داومت عليها لأن ما عندي أحد يروح ويستنى الأخت من الصبح ، وإستخدمت الحلبة مع الزيت فترة طويلة بس ما لاحظت أي نتيجة ، وإستخدمت الثوم في مناطق الصلع بمقدمة الرأس بس ما استفدت بالعكس أحس إني صلعت زيادة واستخدمت البصل مع الزيت بس ما تحملت الريحة.
ومداومة على سورة البقرة الحمدلله أقرأ على نفسي وعلى الزيت وأستخدمه لشعري .
المهم ألحين جمعت لي كذا خلطة وشريت زيوت بس ما أدري وش أستخدم أفيدوني الله يجزاكم خير:
1/ عصير الجرجير مع أي زيت..إلى الأن إستخدمته مرتين مع زيت دابر أملا
2/ زيت الخروع => بس ما أدري عن طريقة استخدامه !! لأن قرأت إن لازم يخفف زيت الخروع مع أي زيت وما أدري كم ساعة أخليه بشعري لأن لمن أستخدم زيت دابر أملا أو زيت جوز الهند أنام وأغسله اليوم الثاني وما أدري إذا ينفع أنام بزيت الخروع أو لا ، إللي عندها علم عن طريقة إستخدامه تعلمني الله يجزاها خير.
3/ زيت الحشيش => نفس الشي ما أدري كيف أستخدمه أخوي جاب الزيت ويقول العطارة تقول يستخدم أربع نقط بس لكل الشعر وتغسل الشعر بعد أربع ساعات سؤالي هل هذا صحيح .
4/ زيت الطاووس سمعت عنه وقريت عنه في المنتديات بس أخاف يطلع دعايه -وينها صاحبة المنتج لاتسمعني-:surprised أو ما يناسبني
محتارة وش أسوي الزيوت هذي كلها عندي وش أستخدم عشان يرجع لي شعري مثل أول الله يسعدكم ردوا علي.
آآآآآه يا بنات والله قلبي يوجعني كلما أمشط شعري .. وإن شاء الله يرجع شعري مثل ما كان يارب
الله يسعدكم ساعدوني وقولو لي وش أستخدم:44: .
يلزم عليك تسجيل الدخول أولًا لكتابة تعليق.
اذا نفع شعرك شي لاتنسين تعلميني:(
انا الحين اجرب زيت زيتون منقعه فيه اسبوع فصوص ثوم وان شاءالله استفيد
انا الحين اجرب زيت زيتون منقعه فيه اسبوع فصوص ثوم وان شاءالله استفيد
الصفحة الأخيرة
ناااسيه الطريقه بالتفصيل بس اتوقع تلقين موضوع عنه
وكنت استخدمه لشعري بس ساعه واغسله
صراااحه الروائح لا تعليق لكن ماشاء الله تبارك الله النتيجه خياااال
واذكر صديقتي الله يسعدها تقول لي فلانه شعرك متغير
ولكني تركته ما قدرت اتحمل الريحه
رغم اني اذا غسلته بالشامبو ما تبان ابد !!
سوي بحث في المواضيع والله يوفقك اختي