كيف أزين مطبخي اللي تساعدني تبشر باللي تبي

ندىالمطر :

اللي فهمت منك..انه مرتب ومو ضايق عليك باغراضك.. ومو ناقصه اللا اكسسوارات وكماليات فقط.. الفرن والمكرويف..مو لازم يكونو جنب الفرن.. حطيهم بالركن اللي يناسبهم.. حنا ما شفنا لمطبخ عشان نقول حطيه بالجهه الفلانية.. انت ورايك.. الكماليات.. حددي لك لونين كل ما شريتي شي للمطبخ تتقيدين فيهم..وهاللونين يكونو يناسبون للمطبخ.. يناسبون..مو نفس اللون.. يعني اذا المطبخ بني.. الاكسسوار بيج أو اصفر.. اذا عودي..الاكسسوار وردي وسكري.. اذا رصاصي..الاكسسوار موف بدرجاته.. اذا ابيض..لك حرية الاختيار..بس لا يكون ابيض.. ومن اهم الاكسسوارات اللي بتجيبينهم بناء على الالوان الي اخترتي.. هي طقم السكر وتوابعه.. ولو تلقين لك طقم كامل يكون احلا.. وبيت الخبز..ايضا يكون بنفس الالوان.. والستاره ما ننساها.. وبنفس الالوان حاولي تكون مناشف المطبخ والوقايات.. واذا تستعملين المريله بعد.. والزباله الله يكرمك..ما نحقرها..نخليها تطقم بلونها مع الباقي..حتى لو انها بدولاب وصاده.. دام الالوان متوفره ليه ما ننسق.. كل هذي تعتبر ظروريه الى حد ما في المطبخ..بس بشطارتك تخلينها مصدر جمال للمطبخ.. ومع باقي اللمسات..مثل الساعة.. والعناقيد..اللي من فلفل أن خضار مشكله.. شوفي لك زاويه فاظيه بالمطبخ وعلقيها.. ومثل هذي علقيها على باب المطبخ من برا.. ومفرش للطاوله اذا عندك طاولة.. وملصقات الثلاجه..مو بس فواكه عادية.. شوفي الغريب واقتنيه..وحاولي تخلين الاغلبيه للون اللي تم اختياره.. واذا عند المجلا حاطه دواسه او قطعة سجاد صغيره..خليها بنفس اللون.. يعني اييييييي شي بتشترينه..خلي اللاوان بين عيونك.. واذا ما لقيتي اللون اللي تبين وكان هالشي اللي بتشترينه ضروري وما تقدرين تستنين لين تلاقينه باللون اللي تبين..حاولي يكون لون يمشي معهم.. ونصيحه اخرى...لا تكثرين الحوسه...يعني الاكسسوار اللي مجرد منظر ماله استخدام.. لاتكثرين منهم.. وابي منك دعوة حلوة ^_^

اللي فهمت منك..انه مرتب ومو ضايق عليك باغراضك.. ومو ناقصه اللا اكسسوارات وكماليات فقط.. الفرن...