كيف أستخدم قدر الضغط تيفال كليبسو؟

نفس السؤال .............

اذا امكن تعرضي صورته


واذا كان زي قدر الضغط تربوا


فتستطيعي ان تطبخي به كل ما يخطر ببالك

um hissa
كيف حالج ومبروك عليج الشهر :) من زمان ما شفت لج ردود ولا مواضيع وين هالغيبة؟؟
ان شاء الله البنات يفيدونا

مزايا إنسانة
تيفال كليبسو مشهور يطلع في الإعلان أنا اللي خذته ستينلس إستيل سعة 8 لتر ووياه بعد واحد ثاني أصغر منه بس مطلي بطبقة التيفال واثنينهم غطيهم تتسكر بقفل ولكن الكبير فيه فتحة لتسريب الضغط وما أعرف متى أسربه أخاف ينفجر ,,,ماعرف متى أغطي ومتى أسرب الهوا المضغوط يعني مب فاهمه :(


بحاول أصوره إذا الله راد باجر

هلا ام ميثا ........
شكرا على المعلومات ,,,, بس ايش ممكن نطبخ فيه وهل هو خطر ؟ يا ريت الاخوات يفيدونا ....
ترى انا في متواجدة دائما يا ام ميثا في قسم ( ساعدوني )

خلاص استخدمته اليوم :)
سرييييييييييييييييييييع
ريلي ذابح تيس بلدي صغير لحمه طري سويته صالونه لحم والله اللحم كان ينطبخ في ساعتين عندي واليوم خلصت الصالونه في 15 دقيقة :)


الطريقة تشيطين البصل والمنكهات وتظيفين اللحم وبعدين تصبين الماي تغطين القدر وتسكرين فتحة البخار
بعد 15 دقيقة اللحم بيكون ناضج تفتحين فتحة البخار وتطلعين كل البخار بدون ما ترفعين الغطا
بعد ما يخلص البخار افتحي الغطا وضيفي الخضار غطي 5 دقايق زيادة ونفس العملية سدي فتحة البخار
وتذكري قبل ما ترفعين الغطا لازم تفتحين فتحة البخار وتطلعينه كله وبعدين ارفعي الغطا
ولا أسهل :)