كيف أستعد للاجهاض؟

vip_sa :

هلا اختي ، انا مجربة بالحكومي اكثر الاجهاضات والوفيات ، بالنسبة لموت الجنين بالشهر الرابع كنت بحكومي . طبعا ادخل ويلبسوني لبسهم ولازم يلبسونك اياه لأنه يكون مفتوح من ورا ويسهل الوضع . ١/ تروشي واستشوري شعرك واحلقي المنطقة وروحي للمستشفى وأنت كيوت و حلوة ، هههههههه ، جد اتكلم وسبق ذكرت اني أحب أروح وقت الاجهاضات والولادة متزينة، طبعي ما احب اروح مبهذلة ، أحس النفسية تزين يوم تكون الوحدة حلوة ومرتبة وبتذكرين كلامي 👌🏻. . ٢/يوم تدخلين واسوين اجراءات الدخول بيركبون لك ابره بيدك ويسحبون لك دم للتحاليل يتأكدون من فصيلة دمك ويتأكدون من فقر الدم وهذي اجراءات اجبارية لكل شخص يتنوم بالمستشفى سواء بولادة او غيرها . ٣/ بيلبسونك لبس المستشفى اللي مثل الروب ويكون مفتوح من ورا ، مرة لبسته غلط وخليت الفتحة قدام وقالوا لي لا خليها من ورا ههههه ، عاد وانا مستشورة وحاطة طرحة بيضا على راسي حسيت اني بباب الحارة 😂 انتظر أم زكي . . ٤/حطي لك شنطة فيها ملابس داخلية وجلابية او قميص بيت أو بجامة وحطي مزيل عرق ومنشفة صغيرة للحمام تغسلين وتمسحين وجهك فيها ويديك وكذا ، وحطي لك فوط صحية لأن مو كل المستشفيات كريمين معك .. وأهم شي حطي لك طرحة حلوة قطن تصيرين مثل باب الحارة حلوة 😅 .. وحطي شاحنك الجوال وخلاص يكفي . ٥/ عقب ماتطلع نتايجك التحاليل بيعطونك طلق صناعي بسيط مرة دامك بالرابع ، قبل كانوا يعطوني تحاميل وثم اخر مرات صاروا يعطوني حبة مص احطها تحت اللسان ، تحطينها تحت لسانك وتذوب وثم ممكن يعطونك ثانية بعد كم ساعه ويبدا معك مغص خفيف ، مو مثل الطلق حق الولادة لا ابدا ، لأنه اصلا الجنين صغيرة مايحتاج توسيع بالرحم وكذا لهالسبب يكفي طلق خفيف مرة والطلق بالامكان تتحملينه مثل مغص الدورة ، اعتقد يكفي يقتح الرحم ١،٥ شي بسيط يكفي لخروج الجنين ، بينما الولادة بالاشهر المتقدمة يحتاج يفتح الرحم عشرة لطلعة النونو ، انت الحين لا يكفيك يفتح شوي ، عارفة بداية الطلق كيف تجي ؟ اللي كل ربع ساعه تقريبا مثلها ماتخليك تطيرين 😂 . . ٦/ وين تكونين الحين ؟ تكونين بسريرك بالغرفة العادية مو غرفة ولادة ويكون يحطون تحتك بلاستيك الاخضر ، احكي عالحكومي وبعض المستشفيات الخاصة . ٧/ تكونين الحين على سريرك وكل شوي يجيك مغصة ثم شوي تمزل مويه بسيطة وثواني وينزل الجنين (اذكر كذا) الجنين بينزل تحتك ترى لأنه صغير مو كبير فما يحتاج تهوجسين . ٨/ بعد ماينزل الجنين تجيك الدكتورة تكشف بالسونار عليك تتأكد لو كل المشيمة نزلت او باقي شي وإن كلش تمام . . ٩/ يوم تتأكد ان كلش تمام تقول لك اجلسي شوي وثم خلاص من بكرة ترجعين بيتك والحمد لله على سلامتك . ١٠/ وهو المهم لازم تعرفين احكام الصلاة لأنه غالبا الشهر الرابع يكون فيه روح فتتعاملين حكم النافس ومالك صلاة ، وترى تطهرين بدري مو مثل النفاس . ١١/قدامك العافية وتقومين بالسلامة وتدلعي على زوجك وأهلك خل يجيبون لك كيكة وورد وعيشي دلع وانت حلوة وجميلة هههههه ، عرفت ليش اقول لك خليك حلوة 🤍😅 الحلو دايم يتدلع ياحلوة

هلا اختي ، انا مجربة بالحكومي اكثر الاجهاضات والوفيات ، بالنسبة لموت الجنين بالشهر الرابع كنت...