وينكم يا بنات ردوا....

عزيزتي ديباجة :

شوفي تبين النظافة بمكياج العين 00000

1- حطي لون البيج أو اللون العاجي على الجفن الاعلى المتحرك والثابت

2- بعد كذا حطي اللون السماوي على الجفن المتحرك بس لا تقربينه من مدمع العين 0 فاهمتني وين 00000

3- بعدين ارسمي بقلم الكحل الازق الغامج على الرموش العلوية مع تعريضه كل ما قربتي للعين من برا مع وضع

زي حرف V يعني طية العين تملينها بالكحل الازرق 0000

4- بعد كذا تزيدين على طية العين شدو فيروزي وتدمجينهم مع بعض بخفة مو بدفاشه 0000 ها ديري بالج

5- واخر شي تاخذين الفرشاة وكأنج تدمجين بس هالمرة تطلعينه لبرا ويكون كأنه قوس على العين دار ما دارها 000
6- ترسمين الحين بالقلم من تحت العين خط رفيع وبعدين تزيدينه بالشدو الفيروزي وتدمجينهم وتطلعينه لبرا حتى

يلتقي مع الشدو اللي فوق 00000

7- الحين النقطة المهمة اللي تدورينها وهي نظافة شغل الشدو 00000 وهي تاخذين عود قطن وتغمسينه بكريم

الاساس وتمسحينه على كفك علشان الكريم الزايد يروح وما يبهدل الشغل 000وبعد كذا تنظفين العين من فوق ومن

تحت ويكون كتحديد لرسمة العين 00000

وأخيرا تحطين تحت الحاجب اللون الفاتح وأحسن لون هو العاجي اللي على فضي وتحطين بعد على المدمع وعلى

طرف الانف 00000 وحطي الماسكرا


وخلي بالج انه أي غلط لا تخافين انه راح يتبهدل شغلك 0000 بالعكس نظفيه بكريم الاساس نفس ما قلت من قبل


وادعيلي اذا سويتيه وعجبك 000000 ورديلي خبر اذا عجبك أو لأ :24: :26:

مششششكورة الغالية...والله أنج ما قصرتي وتسلمين...جزاج الله خير على هالرد والطريقة المرتبة وإنشالله بجرب وبقولج النتيجة...