كيف أشيل الفكرة من راسها.. طلبتكم ساعدوني

اسعد الله صباحكم/مساكم بكل خير و مبارك عليكم الشهر
مالي بالمقدمات و بدخل بالموضوع على طول

أعرف وحدة عزيزة على قلبي و اعتربها و احبها مثل اختي, عمرها حوالي 28 سنة و صارلها 3 او 4 سنين مغتربة في امريكا عشان تدرس. امها و ابوها منفصلين و ماعندها جو الحب و الحنان. حتى كلامهم مع بعض جدا جاااف بدون اي مشاعر و ما عليها اي رقابة لا من امها و لا من ابوها لان كل واحد لاهي بنفسه. اخوانها و خواتها صغاااار عايشين ما بين الام و الاب.
مشكلتها اني اكتشفت انها تحب و تطلع مع واحد امريكي مسيحي. هو مو مسيحي متدين, يعني تقريبا ماله دين. بس الشي الوحيد الايجابي فيه انه ما يشرب ابدا. هي تطلع معه من حوالي 8 شهور ماني متأكدة. تقول انه ميت عليها و يحب البنات العرب و هي ميته فيه بعد. قلت لها ابتعدي عنه مافي مستقبل و في الاخير كل واحد بيروح بطريقه و انتي يلي بتنجرحين. قلت لها ادري انه يعوضك شعور الحب و الاهتمام بس يلي تسوينه غلط و حراااام. المصيبة حتى لو قلت لها خليه يدخل الاسلام عشان تتزوجينه و تكسبين الأجر مستحيل يصير هالشي لان هي بنفسها دينها قليل. لا صلاة و لا عبادة و لا قرأن ولا برامج دينية و لا حتى اناشيد. الحين اكتشفت انها بهالشهر الفضيل تصوم متى ما تحب و تفطر متى ما تحب, ولو تطلع معاه ما تصوم ذاك اليوم و يطلعون يتمشون و ياكلون بمطاعم. و ضميرها ابدا ما يأنبها. هي بنت أصول و من عيلة جدا محترمة و تربيتها كانت مرة كويسة لما كانت صغيرة و مستحيل كانت تغلط بس من لما انفصلوا امها و ابوها وهي بعمر المراهقة حسيتها تغيرت.
أنا والله ما اقصد افضحها بس وربي احبها و اخاف عليها تطيح بالغلط الكبير بالذات المجتمع الغربي عندهم xxxxxxxxشي طبيعي بين اي اثنين يحبون بعض! أخاااااف عليها يا خواتي. حاولت اشرح لها ان مافي امل و انه مجرد وهم بس هي ما صارت تسمعني و صارت تخبي عني لما عرفت اني ضد هالفكرة. و ما اقدر اكلم امها او ابوها لان ممكن يذبحونها و دمها بيكون برقبتي. الله يخليكم شوروا علي كيف أشيل هالفكرة من راسها عسى ربي يهديها