كيف أضع الحواجز في علاقاتي؟؟

السلام عليكم ورحمة الله وبركاته
لاول مرة اضع مشكلة اجتماعية لي في هذا القسم وسأوردها باختصار..

تعرفت على زوجة صديق زوجي في العمل طبعا هي من بدأت بالقدوم إلي توثقت علاقتنا الى شكل لم اكن اريده تتصل علي يوميا ولمدة ساعات والله لا أكذب ساعات اكلمها واقول لدي شغل في البيت تغلق السماعة وتتصل بعد خمس او عشر دقايق ؟؟؟ حاولت ان اقطع العلاقة نهائيا تحاول ترسل بالجوال تتوقع اني فاضية وانا لدي بيت وزوج وابنة مررررات كثيرة تمنعني من الذهاب لاهلي ليه ؟؟ لانها بتجي عندي وهي ماعندها احد طبعا هي عندها خالتها وخالها وقرايب ثانين وانا اكثر من زيارة اهلي لاننا خلاص بننقل من المدينة اللي احنا فيها وهي تقول خليها بعدين لاتنروحين اليوم وتبغاني زيها من ناحية الاسراف وعدم الاهتمام بالبيت والله جابتلي العصبية طبعا نقلنا عمل زوجي وللاسف نقل عمل زوجها لمدينة جمبنا تصدقوا مرة جت من المطار سيدة لبيتي وهي اهل زوجها في نفس المدينه الي نقلنا لها وطبعا خالاتها وجماعة بعد انا مرات ما استغرب منها بكثر مااستغرب من زوجها كيف موافقها على انه بدرجة عالية من الذوق مع زوجي اللي اعرضه الان ان جياتها كثييييييييير وانا ماني قادرة الاقي نقاط تلاقي بيني وبينها وجلستنا دايم ماتكون سلبية هموم ومشاكل....... مرة كان عندي موعد في المستشفى وقلتلها لا تجي اليوم لاني تعبانة مررررررررررة وانا والله صادقة في اخر المكالمة قالت يالله انا باجي مع السلامة وما خلتني فرصة ارد ؟؟؟
طبعا اسرد بعض اللي يصير مو كله بس عشان تعرفوا شخصيتها وكيف اتعامل معها ؟؟؟؟ طبعا هي عندها ايجابيات كثيييييييييييييييرة منها انها كريمة وطيبة ذكية في التعامل بس المشكلة ان الارواح جنود مجندة يعني انا ابغى اخفف العلاقة مو اقطعها نهائيا الان الاتصالات قلت بسبب اني مارد على الجوال منها الا اذا بغيت لاني فعلا مو فاضية اني اكلها بساعة والساعتين وكلام والله كله فاضي انا خواتي وامي ماكلمهم بالساعات كيف هي؟؟ والسنتين الجاية زوجي وزوجها عندهم عمل ويروحون من الساعة 5 ومايجون الا الساعة 11 اربعاء وخميس مرتين بالشهر وكنت استقبلها الفترة الي راحت بس الجاية ماتوقع يعني تخيلوا ست ساعات واحنا مع بعض ولا نقطة التقاء ؟؟؟؟
انا بامس الحاجة لحلولكم الواقعية دون ان اجرحها وشكرا لكم