حياكم الله أخواتي
ودي أفضفض عليكم شوي قبلكم تفضفضون وتشكون حمواتكم أمهات أزواجكم
وهالمره أنا أبشكي عليكم أقصد أستشيركم
أنا حماة ومرت ولدي حبوبه ومابها شئ البلا مني بمعنى مليقيفه لو ولدي ماوداها للي تبي
أقوم اوديها ياإما لسوق أو لصديقتها ... وما أدري إن هذا يضايقه لأنها ماتقولي الصحيح
اللي هو إنه مايرفض بس تكون تبي الوقت اللي يناسبها
وهو يبي الوقت اللي يناسبه
وعلى هالمنوال لين مل وليدي مني وقالها في وجهي في يوم كان عندي ضيوف
وعندها مشوار وجت لي تشتكي إنه رفض ورحت مدرعمة له وأكلمه وأنا زعلانه ليش ياولدي
ماتوديها حرام أهلها مجتمعين وش يضرك ...
وهنا طلع اللي في خاطره وطقها في وجهي قائلا يمه وشفيك كذا هذا شئ خاص بيني وبينها
وبعدين انا ماقلت لها لأ طلبت منها أوديها بعد صلاة العشاء وهي مصرة تروح المغرب يعني مافيها شئ
تنتظر ... وتكفين يمه أنا حر اوديها ولا ماأوديها شئ خاص فينا ويضايقني جدا تقومين بالدور
اللي المفروض إني أقوم به .. وهنا ماأخبي عليكم طقتني الشرهه وذهلت بل وانصدمت بمرت ولدي
ليش تحطني بهالوقف المحرج مع جنيني ... وليش تستغل طيبتي وتطلب مني بزعم إنه ماعنده مانع
أوديها... إن صرنا ياالخالات قشرات ماعجبكم.. وإن صرنا طيبات ضحكتونا علينا...
وبعد هالموقف جلست مع نفسي ليش أنا كذا وليش أحمل همهم وليش ماأخليهم يعيشون حياتهم
بالطريقة إللي تعجبهم...
تدرون ليش لأني قد عشت عند حمولة وكنت أتمنى يدللوني لكن مافيه الكل عايش لحاله فقلت أبدللها
وإللي كنت أتمنى أهل زوجي يسونه معي قلت أدللها وللأمانه البنت تستاهل طيبه وحبوبه...
الموهم وأثناء تفكيري إكتشفت إني فعلا غلطانه بدليل بنتي المتزوجه ماشاء الله خالتها أم زوجها ماتدري
وش هم فيه من حال ولا عليها منهم بأي شئ مالها الا يزورونها ومع السلامه ...
وللأسف الشديد وبعد أن قررت اتركهم وأسوي مثل كل الخالات واطنش ..جاء ولدي انتداب.وأثناء سفره
بالسياره توفي الله يغفر له ويرحمه ويسكنه جنات النعيم ويطامني بإسمه ويجعل اخوته قرت عين لي ولوالدهم
ويرزقني الصبر... يابنات.
أدري طولت بس السؤال كيف أتعامل مع مرت الولد لأن ماشاء الله تبارك الله أخوه بيتزوج وخايفه أضايقهم شيروا علي ولاتنسونه من دعاكم بالرحمة والمغفره للعلم تراني ماني عجيز بس متزوجه صغيره وتزوجوا عيالي صغار..:)
شئ مثل كذا @shy_mthl_ktha
عضوة فعالة
يلزم عليك تسجيل الدخول أولًا لكتابة تعليق.
مشكوره على الرد وعلى النصيحه يادنيا بس وين الدعاء .. الله يجزاك خيرمشكوره على الرد وعلى النصيحه يادنيا بس وين الدعاء .. الله يجزاك خير
الله يرحمه ويغفرله ويسكنه باعلى علين وجميع المسلمين ............ورزقك الصبر ويثبتك ويعوضك خيررررررررررررر...امين
بصراحه اهنيك من كل قلبي على هاالحلاوه والطيبه مع مرت ولدك ماشاء الله بس الطيب في هالزمن يدوسون عليه للاسف .......
انصحك انك تكونين طيوبه وعسوله معها بس بحدود يعني اذا جت تشتكي لاتعطينها وجه قوليلهاانت وزوجك ابخص مالي دعوه ...........ماعدا في الشي الكبيرررر يعني مشكله كبيره طلبت منك تتدخلين انصحك بانك تتدخلين بس تواجهينهم ببعض وكل واحد يقول اللي عنده ........
وبس يااحلى خاله باا لدنيا
بصراحه اهنيك من كل قلبي على هاالحلاوه والطيبه مع مرت ولدك ماشاء الله بس الطيب في هالزمن يدوسون عليه للاسف .......
انصحك انك تكونين طيوبه وعسوله معها بس بحدود يعني اذا جت تشتكي لاتعطينها وجه قوليلهاانت وزوجك ابخص مالي دعوه ...........ماعدا في الشي الكبيرررر يعني مشكله كبيره طلبت منك تتدخلين انصحك بانك تتدخلين بس تواجهينهم ببعض وكل واحد يقول اللي عنده ........
وبس يااحلى خاله باا لدنيا
الله يغفر له ويرحمه ويعوضه الجنة ويعوضك بأخوانه...
ترى الطيب زين يا اختي الغالية وتلاقينها الحين تذكرك بالخير وتدعي لك....
نعم للطيبة ولالالالالالالالالالالالالا للسذاجة ....يعني عطيهم حقوقهم لكن لا تتنازلين عن حقوقك المرة هذي جتك مرت ولد طيبة الحمد لله لكن مو لازم كل مرة تكون طيبة وتقدر حبابتك معها ممكن تقلب ولدك عليك وانتي ما تدرين ..لذلك ابتعدي شوي عنهم وخلي أمورهم بينهم وادعي لهم ...
ترى الطيب زين يا اختي الغالية وتلاقينها الحين تذكرك بالخير وتدعي لك....
نعم للطيبة ولالالالالالالالالالالالالا للسذاجة ....يعني عطيهم حقوقهم لكن لا تتنازلين عن حقوقك المرة هذي جتك مرت ولد طيبة الحمد لله لكن مو لازم كل مرة تكون طيبة وتقدر حبابتك معها ممكن تقلب ولدك عليك وانتي ما تدرين ..لذلك ابتعدي شوي عنهم وخلي أمورهم بينهم وادعي لهم ...
ماشاء الله دايما فكرتنا عن الحموات انهم خبيثاااااات وعجايز كبار بالسن بس ماشاء الله عليك ....
حماه وصغيره وطيوبه وحبوبه وقاعده عن النت ....(حموات آخر زمن)...امزح معااااااااك امانه ماتزعلين ..
لان هذا اللي لفت نظري بالموضوع ...والله يخليك لعيالك ...ويخليهم لك ..ويفرحك بولد الثاني ياااااارب
شوفي اتصرفي معااااهم بطبعك الطيب الحنوووون الخلوووق ..وماعليك ..ترا انت منت غلطانه بالعكس انت صح بس يمكن البنت حبوبه حبت تتدلع عليك ..واكيد انها تعتبرك زي امها ..
بس ياااااااااااارب القى حماه زيك بطيبتك وحنانك ..يااااااااارب ادعي لي
حماه وصغيره وطيوبه وحبوبه وقاعده عن النت ....(حموات آخر زمن)...امزح معااااااااك امانه ماتزعلين ..
لان هذا اللي لفت نظري بالموضوع ...والله يخليك لعيالك ...ويخليهم لك ..ويفرحك بولد الثاني ياااااارب
شوفي اتصرفي معااااهم بطبعك الطيب الحنوووون الخلوووق ..وماعليك ..ترا انت منت غلطانه بالعكس انت صح بس يمكن البنت حبوبه حبت تتدلع عليك ..واكيد انها تعتبرك زي امها ..
بس ياااااااااااارب القى حماه زيك بطيبتك وحنانك ..يااااااااارب ادعي لي
الصفحة الأخيرة
كوني طيبه وحبوبه واعتبريها زي بنتك
زي بنت مو بنتك لانها مهما يكن لها خصوصيتها
ولا تدخلين باي شي يخصهم الا اذا جاو اثنينهم وطلبوا نصيحتك ومشورتك بشي والا بتطلعين انتي الغلطانه بالاخير