بالنسبه للرضاعه الحمدالله فطمت ولدي عنها مع انه يعشقها عشق ولايقعد الا فيها اقطي حلمة الرضاعه من فوق ولاتحطين فيها حليب هو لما يشوفها كذا يرفضها ومرة ع مرة بيكرهها بعد الفطام بفترة علميه الحمام او علميه الحمام قبل الفطام مو سوا انا لسه ماعلمته الحمام مع اني احس صار عنده استعداد لدخوله بس يعدي البرد بعوده عليه

مثلك عندي بنت سنتين و نص و حابه أعلمها الحمام لكن قلت يخلص البرد
اللي قريته أن نحسب كل ربع ساعه نوديه للحمام و كمان إذا شرب شي أو أكل نوديه
في حال التعليم نلبسه كلوتات و نعلمه أن هذا مثل السروال إذا يبغي حمام يعلمني
في النوم هذي الورطه هل ألبسه حفاظ و هو صاحي إلا ألبسه كلوتات أحسن

لبسيه كلوتات اللي ماتسرب موجوده في سنتربوينت ومذركير

مشكوره أختي على الرد الله يسعدك و متحمسه أبتدي تعليم بنتي الحمام الله يصبرني و يعدي على خير

الله يعينا وياك
انا بقوولك ..علمت بنتي للحمام ع مبر بصراحه وبعد ما هزاوني اهلي ههههه هي بكري ربي يحفظها بديت اعلمها ع 3 ونص ... تعببببتني بشكل
اوديها كل نص ساعه ...واجلس اقل شي 10 دقايق بالحمام ماخليت تشجيع ولا مكافاه الا قلته لها وعرضتها عليها ...بالنهايه اطلعها من الحمام وتجلس 5 دقايق تسويه بالبيت ....
جلست يمكن شهرين ع هالحال ...وبعدين بدت الحمدلله تقول ابي الحمام تووشا >>يعني البول الله يكرمك
بس الكبيره للحين تخااف منها ..اذا سوتها بالحمام مرا ...5 مرات تقول ابي اسويه بالبامبرز .
وبعد مايخلص الشتا باذن الله بخليها تنام من غيرها
بس انتي افضل لك علمييه من بدري .. ولازم صبرررررر
ولا تهاااوشين ..او تعصبين ..وريه مقاطع باليوتيوب لاطفال يتعلمون ويسوونها بالحمام ..رج يتشجع كثيير


وانا مع الاخت اللي قالت لاتفطمينه وتعلمينه الحمام مرا وحده
بس ممكن تجرببن الاكواب اللي لها مزاز تحطين فيها الحليب ويمزمز منها ..لان ممكن يشربها وهو يلعب او يتحرك
بالاول مارح يتقبلها بس شوي شوي باذن الله رح يفك عن الرضاعه
اتمنى اني افدتك ...الله يسهلك يارب ويعيينك ويصلح لنا النيه والذريه
ادعي ان الله يهون علي حملي ويسهل لي ولادتي