كيف أغير هالصفة في بنتي

السلام عليكم
كيف حالكم يا أخوات
ابي اعرض لكم مشكلة تضايقني في بنتي عمرها تقريبا 4 سنوات و للعلم هي نحيفة ما تقولولي شرهة و تخينة ههه بس هي ما تستحي أي شي تشوفه تقول أبي و تغار أي حد تشوف عنده شي تقول أبي و ايضا احس عندها حب تملك لو تشوف 10 اشياء و أقولها تبين هاذا؟ وهذا وهذا...بتقول أبي أبي أبي لكل شيء حتى لو هي ما شافت شو هالأشياء أو ما تعرفها مجرد تسمع كلمة تبين؟ تجاوب أبي بدون ما تشوف هالشي...
في البداية كنت استانس خاصة لما اتغدى مثلا و أكل سلطة و أسمعها تقول أبي و أكل عيش تقول أبي و أكل أي شي تقول أبي كنت اقول زين خل تاكل لأنها نحيفة بس الحين أشوفها كبرت و عيب تسوي هالحركات خاصة اننا بدينا نتضايق منها في البديت ما نقدر نسوي شي ولا ناكل شي ولا نشرب شي الا و هي واقفة على راسنا و تقول أبي! لدرجة اننا ساعات نقول اشياء هي ما تفهمها مثلا أكلم أبوها أبي أشتري كريم أو أي شيء بس هي ما تفهم شو هالشيء) علطول تتكلم و تقول أنا بعد أبي! و لو اسئلها شو هاذا بتقول ما أعرف! و المشكلة حتى لو هي مثلا شربت شي الصبح بس تشوفنا شربناه العصر تقول أبي حتى لو هي شبعانة بتظل واقفة على راسنا تقول أبي و لو نعطيها ساعات تشربه و ساعات تشرب رشفه و تتركه لأنها اصلا شبعانة بس مثل ما قلتلكم تقول أبي بدون تفكير..أحسه طبع خسيس مو معقولة باجر تروح المدرسة مدري شو بتسوي،،
رجاء لا تقولون انتي ما تبين بنتج تاكل ،، لأ بالعكس أبيها تمتن بس طبعها شين حتى قمت استحي كم مرة سوت هالحركة عند أخوي كلما تشوفه يشرب شي تقول أبي ،، و بيت أبوي فاضحتني اي شي تشوفه ما تستحي تقول أبي والمشكلة هي دايم تروح بيت جدها و ما ادري هل تسوي نفس الشيء أو لأ بس أبوها قاللي انها من حد يسألها تبين هاذا؟ تقول هيه، تبين هاذاك؟ هيه ، وتظل تقول هي على اي شي ما تستحي و أنا بصراحة أبيها تتغير
للعلم لا تقولون حارمينها ترا ابوها يشتريها الاشياء اللي هم يحبونها مثل الحلويات الكاكاو النمكيات الكورن فلكس الخ الخ و الأشياء اللي تشوفها في بيت أبوي أو بيت جدها و تقول أبي أ غلبها اشياء تعرفها و تاكلها دايم يعني ما تقولون محرومة و تبي تجرب اشياء غريبة .. بس هي احس عندها غيرة و حب تملك لكل شيء
انصحوني كيف أغير طبعها عجزت انصحها اقولها عيب أحسها ما تفهم ولو فهمت تزعلت ما تطبق النصيحة و بنفس الوقت ما أبي اركز على هالنقطة كثير في البيت ساعات أخليها على هواها و ساعات امنعها علشان لا تحس انها محرومة