كيف أقدر أخلي قلبي يسامح أم زوجي

السلام عليكم
سبحان الله والحمد لله ولا اله الا الله والله اكبر
بنات انا أول كنت أحب أم زوجي من قلبي مو تصنع والله وع نيتي الحمد لله
بس بعد سنه اولى زواج بديت شوي شوي لين كرهتها لا حول ولاقوه الا بالله وانا ابغى قلبي نظيف مايحقد وادعي ربي انه يشيل الحقد من قلبي والكره
كنا انا وزوجي سمن ع عسل وامورنا طيب وحملت باول طفل لي ولد الله يخليه لي وبالشهر التاسع عطاني زوجي الفين ريال علشان اقضي لي وللمولود سرير وووالخ وعرفت بالالفين وزعلت وقالت خلاص ماتعطيها شي وفعلا ماعطاني حتى للعيد يارب وجتني بعد ماولدته بساعات بالمستشفى معصبه عليه تقول هذا ولدنا
ثم هبلت فيني بالاربعين حقت طفلي الاول مع اني انفستً عند اهلي كانت تقول ابي ازوج ولدي ماعندنا حريم يكملن الاربعين عند اهاليهن
لين ماخلت فكره الزواج تعشش في راس زوجي
مع اني اهديها واحبها بهذيك الفتره والى الان الهدايا مستمره
وولدي المبير ماخلتني استمتع بامومتيً معه كانت تتحكم في لبسه ورضاعته وكل شي لما البسه مثلا شرابات وجزمه تنزلهن لما امهده والفه تفك اللفه حتى بفصل الشتاء انا ولدته باول فصل الشتاء
كانت تجبر ولدها ياخذ طفلي الصغير جدا 7 ساعات ويقول لي لا تنزلين لامي خليه عندها واما قلبي يشب نار لين ما ولدي تعود يترك صدري وغ الرضاعه وكنت ماثق انها تنظف الرضاعه واشوف اذا رجعه لي مو نظيفه رضاعته وبعد من تحت ولدي مو نظيف يعني مثلا مغيره الحفاظ بس بتقي المكان مو نظيف لاني انا اغسله بمويه وفوق ماهو عندهم الولد 7 ساعات بعدها يجبرني انزل انا والطفل عندهم
مره ما نزلت لهم 3 ايام قامت الدنيا على راسي لدرجه اني رحت لاهلي وصار تدخل الاهل
دايم تتطلع لي فوق وتهددني بكلام انه ولدها اللي هو زوجي امره بيدها تقول اقدر اطلقك وهذا ترا بيتي اسوي فيه اللي ابي
مع العلم اني دايم اعزمها عندي وتحب طبخي
بعد الطفل الثاني طلقني طلقه وحده ايضا هم السبب
سبحان الله تحول حبي لزوجي حق اول سنه زواج لكره صرت احذر واخاف منه ىاينعيذ بالله من شره
والحين عندي 4 اطفال الحمد لله بس مازلت اسكن فوقهم وتحول تحريض حق ام زوجي لي تحول للعيال صارت تحرض ع عيالي بحكم اننا فوقهم بس تقول لزوجي عيالك ازعجوني اسمع طق وطق وطق وزوجي يقول لي امسكيهم اضربيهم لا يطقون
انا الحين ما تحرش عليه لانه عرفتها وعرفت اتعامل معها
بالعيد عيالي طلبو منها عيديه فلوس يا جده نبي عيديه لو ريال واحد ما عطتهم والله انكسر قلبي عليهم
سمت اسم ولدي الثالث اسم غصب عليه والاسم قديم وجاني اكتئاب بالنفاس لاني تعسرت شوي ولادته ويوم ولدته الحمد لله اتصل عليه زوجي بالمستشفى قال اسمه فلان والله انخرعت وتجمدت وصرت بعالم ثاني
ماحب هالانسانه سبحان الله والله اذ شفتها اشوف الموت والحمد لله انها ما تقرب لي
ومره وحده من العضوات هنا تقول الزوج مستحيل يرجع يا بنات مثل ماهو اذ اخد حرشه على زوجته
عادي اتقبل التجريح يا بنات كلكم ردو عليه
اللهم صل وسلم على محمد