كيف أنظف البيت إذا كنت أشتغل وعندي أطفال

من العنوان تعرفون المشكلة :09:
انا عجزت ارتب في هالبيت بس مب مبين شيء بسبب الاطفال يعني عندي طفل عمره 2 سنه ما يخليني ارتب يعني برنامجي اليومي هو
اروح الشغل الساعة 7:30 وطبعاً اقعد قبل أرتب شنط الأطفال واطبخ فطورالولد واجهز الحليب للبنت وبعدها اخذهم للحضانة وبعدها اروح الشغل للساعة وحدة ونصف اروح استلمهم واوصل للبيت على الساعة 2 واطبخ الغذاء (لا تقولون اشتري لأن المادة ما تسمح بهالشيء وانا ساعات اجهز من الليل يعني على حسب الفضاوة :() وبعد الغذاء ارتاح لأن راسي يكون :icon32: يعني نادرا ما انام بس مجرد انبطح والولد طول الوقت متملل وقومي سوي كذا وسوي كذا والبنت انا احاول انيمها من تعب الشمس تكون مثل الطماطمة وتعبانة وعلى العصر ساعات اطلعهم يشوفون الدنيا وساعات ابدأ بالبيت من غسال ثياب وغسال المواعين وتنظيف المراضع وتجهيز ثيابهم للسباحة و تجهيز ثياب الحضانة واحس طول وقتي كذا من غير انجاز باقي شغلي من (ترتيب السرير بحكم ان بنتي ساعات نايمة ومستحيل ادخل لأن الولد مزعج ومب متفرغة حق قعدتها بعد - كواي - ترتيب الثياب المكومين الي صار اليهم ايام من غير ترتيب - كناس وغيرها من المهام الثانية) وزوجي يجي في الليل ولو خليت البنت عنده الولد يكون معاي وما يخليني اسوي شيء كله صياح ونياح عجزت من هذه المشاغل الغير منجزة