انتي تصحين بدري وين المشكله تهي تهي

الله يعينك فعلا الصغار ياخذون الوقت
فعلا كرسي الاكل للصغار مفيد علشان تكون معك في المطبخ او الغرف اللي تنظفينها وماتتحرك وتحوسك
فيه النطيطه ممتازة مرة والناس اللي يستخدومنها قله انا استفدت منها كثير تثبتينها على برواز الباب اومدخل الصالة اللي يناسب غرفتك تتحرك من فوق لتحت وتلف وتدور وهي ثابته في السقف بس لاتحطينها بعد الاكل مباشرة يمكن ترجع وتجيب النوم اول ما احطه يلعب شوي وينوم وانا شخصيا استفدتها كثيير

الله يعينا ويعينك أنا عندي ولدين مجننيني بس الحمدلله الحين سارو يساعدوني أحس ان حياتي أفضل من أول عقبالك

أول شي الله يعطيك الصحة والعافيه على الجهد اللي تقومي فيه بصراحه مب شويه،،،

نرجع للمهم: انتي تقولي تفطرين زوجج وبعدين ترجعين وتفطرين ،، ليش هالتعب كله سوي الفطور مره وحده وافطروا مع بعض ،، بتكسبين وقت ..

بعدين قلتي انتي اللي تقومي بنتج الساعه 11ونص ،، خلصي شغلج وبعدين قوميها ..

من هذي النقطتين كسبتي وقت وتحكمتي بوقتج..

نيجي للجدول بسوي جدول بسيط قد ما اقدر وانتي شوفي اللي يناسبج واتبعي الافضل..

ما شاء الله عليج تقومي الفجر(خير وبركه ) استغلي هذا الوقت وطلعي اللي تحتاجيه من اللحم او الدجاج او غيره ،، واذا ذاب سويه على طول لاتنتظري لين تجي ساعة الغدا ..

بعد ماتفطروا نظفي ورتبي بيتك وطلعي الخضره للغدا وقطعي السلطه وخلي التتبيله على جنب ووقت ما تحطي السفره ضيفي التتبيله للسطه ،،، حتى صحون وكاسات الغدا جهزيها ..

وخلصي وشغلج العميق والا اليومي ، وانتبهي (لايكلف الله نفسا الا وسعها) لاتكلفي نفسك فوق طاقتها..

الحين جهزنا للغدا ونظفنا ،، حاولي تخلصين الغدا حتى لو الساعة 10 صباحا عادي ،، المهم صحتج ..

بعد ماطبختي ونظفتي ،، اهتمي بجسمج وصحتج ،، سوي ماسكات للوجه زيوت للشعر وانتي تشتغلي ،، سوي رياضه ،، وغيره ،،،، وبعدين تسبحي ولبسي لبس مريح وانيق ،، ونامي لو نص ساعه

بعد ما ارتحتي وخلصتي شغلج قومي بنتج غسليها ولبسيها واكليها والعبي معها ،، يكون زوجج وصل من الدوام ،،

هذا كل اللي عندي والبنات ما قصروا ،،، الله يوفقج ويسعدج

انتي نظيفة مايجتاج ماشاء الله عليكي

المشكلة في بيتك يحتاج ترتيب اكثر