كيف أنهي هالخيانة !!!!!

يا عيني عليك يا طيبه يا عمري عليك

انا مش عارفه احكيلك بس ممكن تذكري بالعقاب الرباني وانه عاصي لله وانه مش مراهق وعنده زوجه وعيال وعيب عليه

انت مش رح تقطعي رزقه صح بس ممكن تهدديه انو انت رجل وبخص البنت الي بكلمها وانه رح يبعث تسجيل المكالمات للمديره الي هي انت ولانه غلطان مش رح يعرف ولايشك بحدا

لاااااحرام الله لايوفقه أنا لو في مكانك خبرت زوجته بأي طريقه من غير ماتعرفك وش ذنبها مسكينه تعيش في وهم ولازم تمدينها بدليل قوي والله عورني قلبي عليها حطي نفسك مكانها مو قهر زوجته
مسكينه طيبه وزي ماقلتي ماقاصرها شي أو سوي خطه بحيث تطلع كأنها البنت اللي خبرت زوجته علشان يكرهها كثير يسوونها وتضبط.

إلا طربقى و حوسي الدنيا على البنت الى هو يغازلها...هى مو هو...
ارسلى لها بريد او اميل هى ماتعرفه ....قولى لها بعلم عليك اهلك ..وارفع لمديرك اشكوى انك تعاكسين الشباب ..
..... من هنا البنت بتخاف على سمعتها وتترك هالشاب ..
والله يجزاك خير ..على موقفك الشهم

حبيبتى انا اللى بقول لج الحل
اول شى احييج على اطباعج وعلى اخلاقج
ثانى شى (( لاتذكرين الموضوع لالا مخلوق باللى عرفتيه ))
دزى ايميلى غير معرووف ويفضل من كافيه حق ايميله وايميلها وهدديهم تهديد شديد اللهجه
وخرعى البنت وقولي لها اذا ماوخرت عنه راح تفضحينها فضيحه كبيره
ولاتبينين بالايميل انج وحده ...
لانهم شخصين وصدقينى اذا دروا ان الايميل من طرفج صدقينى راح يخربون حياتج وسمعتج وراح يسوون لج مشاكل انتى فى غنى عنها خافى على نفسج ... اللى ماخافوا من الله ولا حسبوا حساف الفضيحه ؟؟؟ موخايفين منج .
وربى ايسر امرج

مشكورة أختي على نصيحتج الطيبة ... و فعلا .. أنا ناوية إني أطرش له إيميل وأخليه يحس بإني واحد ...
مثل ما قلت ... كل شي ولا خراب البيوت ... لأنه فعلا حرام ... :angry:



هلا إختي ..

فكرت أول شي إني أتصل فيها تيلفون و أقول إلها لو إنتي خايفة على زوجج قوليله خل يدور شغل في مكان ثاني ... بس بعدين تعوذت من ابليس ... بس تدرون الصدق !!!! لو يقدم استقالته أحسن ...
لأنه غير منتج بالمرة ... :angry2:

مشكورة يا أختي على نصيحتج



هلا بإختي ..

أعتقد الإيميل أحسن عشان تكبر دائرة ال search مثل ما يقولون ... يعني أبغيه يشك في كل حد و في كل شي .. جذيه أعتقد بيخاف أكثر ... و بيحسب حساب لكل شي ..

الزوجة و ضعها صعب ... أنا بالنسبة لي حطيت عمري في كل الأماكن ... لكن .. الشي اللي ما أقدر أغفر له هوه الخيانة ... هذا صعب بالنسبه لي .. عشان جذيه حطيت في بالي إنها يمكن تكون نفس الشي ... فالأحسن إنها ما تعرف عن هالموضوع ..

مشكورة وايد على النصيحة اختي ..



أختي مكسور خاطرها ...

الله يعز مقدارج إن شاء الله و يرد خاطرج ... :)

هذا اللي بسويه ... بطرش إلهم هم الإثنين إيميل .. و بخليهم يعيشون في دوامة و كابوس ما يطلعون منها ... والله الخيانة أسوأ شي ممكن يصير حق أي زوجه ... أنا مجرد تخيل ما أقدر أتخيل هالشي ...
الله يسعد كل زوجه و يبعد عنها الخيانة إن شاء الله ..



هلا بالفراشة ..

لا شكر على واجب ...

المشكلة يا أختي إني عرفت إنه فيه واحد وياه بعد في نفس القسم يعرف عن هالموضوع ...

ونفس الكلام اللي كتبتيه بسويه إن شاء الله ... و بخليهم يكرهون حياتهم بعد ..

سبحان الله ... فيه ناس عندهم الخير بس ... عيونهم زايغه .. :23: