مها الامارات انا ابني من عمرشهرين وقفت رضاعة الليل لان الد كتور قال لي لازم الجهاز الهضمي يرتاح بالليل و طلب انه كل ما يصحى بالليل اعطيه ماء او اعشاب و فعلا جلس يومين يبكي و بعدين اتعود ينام بالليل و طبعا كانت آخر رضعة بياخذها الساعة 10 مساء و الصباح الساعة 7 صباحا بس انصحك بلاش المصاصة لانها كل ما تقع من فمه هيصحى يبكي انا ابني كان كده و بعدين وقفتها و عمره 6 شهور و بعدين عشان ما يتعلقش بالمرضعة ابدأي بشكل تدريجي تشربيه في الكاسة من عمر 6 شهور عملت كده مع ابني و ما شاء الله بطل المرضعة من عمر تسع شهور و الحمد لله بيشرب في الكاس عادي

مثل ماقالوا البنات .. عطيه ماي وماراح يقوم بالليل

لان الحليب بالنسبه للاطفال الرضع ( وجبه ) فمن الطبيعي انه يقوم ياخذ وجبته ..

لكن اذا بتشربينه ماي فماراح يقوم له

انا بنتي اليوم عمرها 39 يوم و ياعمري صار لها اكثر من اسبوع ماتصحيني تقوم مع الساعة 6 يصحيها منبه ابوها للدوام :)

انا بنتي عمره سنه كاملة ولحد الان تقوم كذا مرة باليل علشان الحليب واذا عطيها مصاصتها ترميها بوجهي ما ترضى تشرب ماي

وساعات تاخذ المصاصة بس اغلب الاحيان ما تبي المصاصة والحين انا متوهقة مو عارفة اوقف المصاصة ولا الحليبة

مها الامارات
يمكنك اعطائها ماء فقط ولا اى شىء اخر
واخرى اخر رضعة لها وبعد ان تنام من 6-7 ساعات اوقظيها وابدئى اول رضعة مرة ثانية
وربنا معك

مشكورين أخواتي على الردود...

هي تنام أغل الأوقات الساعة 9 مساءً أعطيها أرضعها بالمرضعة وأنومها....والساعة 12 أعطيها رضعه ثانية وهي نايمه...أيام ما تصحى إلا الفجر يعني الساعة 4 أو 5 ...وأيام تقوم مرتين...بحاول أعطيها الماي بدل الحليب إذا قامت...

بس بغيت أسأل عن رضعة الساعة 12 وهي نايمه..ما فيها مشكلة وإلا غلط أعطيها وهي نايمه...طبعاً أنا أعطيها المرضعة وهي قدامي مش وهي في سريرها...

بالنسبة للمصاصة..أنا في العادة أعطي عيالي المصاصة وأشيلها عنهم في سن 6 شهور...بس بنتي هذي الوحيده ما رضت تتقبل المصاصة...وما عرفت كيف تمسكها وتمصها...حاولت بكل الطرق بس ما في فايده 3 شهور ونص وأنا أحاول آخر شي قلت ما في فايده أجبرها عليها ألحين...لأني بشيلها عنها بعد شهرين ونص...وأصلاً أنا أحتاج المصاصة أكثر وهي صغيرة في الأربعين...على شان يخف صياحها....أما ألحين ما أحتاجها

و مشكورين على الردود مره ثانية...