كوبونات الراقية تسجيل الدخول

شابورة سمسم
شابورة سمسم •
شوفي يا عيوني

الغربه تخف عليك شوي اذا وفقك الله بصحبه زينه ومنطقه فيها مركز اسلامي وتجمعات

هاذي تخفف كثثثثثثثثثثثثير

اما انا فكنت في منطقه صغيره مره ولا فيه عرب كثير فترات اسلى وفترات الله لا يعيده
واحس تحمل الغربه تختلف على حسب الشخصيه انا من النوع اللي اجتماعيه بزياده
واحب الهيصه خخخخخخ:)
أحلام مُشرقة
أحلام مُشرقة •
أحلام مُشرقة أحلام مُشرقة :
السيدة ماما شكراً غاليتي لمُشاركتك .. وجزاكِ الله كل خير :27:
السيدة ماما شكراً غاليتي لمُشاركتك .. وجزاكِ الله كل خير :27:
شابورة سمسم ..

شكراً غاليتي على مشاركتك :27:
أم دحومي الحلو
أم دحومي الحلو •
أحلام مُشرقة أحلام مُشرقة :
السيدة ماما شكراً غاليتي لمُشاركتك .. وجزاكِ الله كل خير :27:
السيدة ماما شكراً غاليتي لمُشاركتك .. وجزاكِ الله كل خير :27:
والله موضوع جميل

وأنصحك أختي انك ماتضيعين عليك هالفرصة

إذا كنت تشوفين ان هاللي متقدم لك يستاهلك .. وعلى قدر من الدين والخلق

بالنسبة لي ..

أنا كنت عارفة اني أبتغرب في أمريكا بسبب دراسة زوجي

سبحان الله نصيب .. انا كنت أكره الغربة والتغرب وأحسها أصعب شيء في الحياة

لكن كان هذا نصيبي .. ووالله اني أحمد الله على هالنعمة ..

رغم أن أول سنة كانت كئيييييبة جداً علي .. لأن ظروفها كانت مرة صعبة

لكن أنا اللي خليتها كئيبة لأني كنت صاكة على عمري

وما أبي أحد بس مشتاقة لأهلي وأصيح عليهم :icon33:

كانت أول سنة من زواجي قعدت في الرياض الحبيبة شهرين فقط ورحت لأمريكا

ولما وصلت اكتشفت اني حامل .. الحقيقة انصدمت استغفر الله .. لأني ما تهيأت نفسياً!!

وغير كذا لما وصلت أمريكا جلست يومين فقط وحصلت أحداث 11 سبتمبر

يعني سنة أولى زواج + سنة أولى غربة + أحداث مرعبة + وحم شدييييييييييد :icon33:

الحقيقة كانت مأسااااة .. اللهم لك الحمد اللي بدل الأحوال

لكن لما رجعت لأهلي زيارة شهر ونص بعد سنة تقريباً ..

حسيت بتغير كبيييييييير .. تطورت شخصيتي واكتسبت خبرات كثيرة ..

وتعلمت شغلات ماتعلموها اللي متزوجين قبلي بسنين ..

وميزتها تتعرفين على زوجك ويتعرف عليك بدون أي تدخلات أو ضغوط اجتماعية

وهذي أهم نقطة في الغربة ..

وحتى وانا بين أهلي كنت مشتاقة لبيتي

ومشتاقة للإستقرار .. مو معناته اني ماأبغى أهلي .. أبدااااا

لكن لما تجربين الإستقرار وتجربين تطلعين مواهبك ..

وتصادقين أخوات محل الثقة .. بتتغير حياتك تماماً

تدرين أكثر ناس ولهانة عليهم بعد أهلي هم أخواتي في أمريكا

مشتااااااااااقة لهم جداً جداً جداً .. لأنهم كانوا لي بفضل الله أهلي

تعودت عليهم كثير .. والله ماأنسى أيامهم ووقفتهم معي فترة حملي ونفاسي

الله يذكرهم بالخير كلهم .. ويجمعنا على خير

أنا الحين غيرت البلد من بعد ماعشت في أمريكا سنتين مع نفس الأخوات

أعيش الآن في بريطانيا .. حياة جديدة وشكل جديد ..

قررت اني ماأصعبها على نفسي مثل ماسويت أول حياتي ..

والحمدلله تأقلمت بسرعة والأخوات هنا جداً لطيفات و مريحات ولله الحمد

ومن ميزات الغربة بعد .. انه يزيد غلاك عند أهلك وعند اللي حولك

ترجعين لهم غالية وتروحين منهم غالية .. ودايم يذكرونك ويدعون لك

والكل يسأل عنك ويحرص على شوفتك :D

وغير كذا تتحسنين دينياً .. بإذن الله .. تكثر صلواتك واستغفارك وتحتاجين لربك أكثر

وبتحسين بقيمة وعظمة الإسلام لما تشوفين بلاويهم استغفر الله

ومن الطبيعي أختي انك بتتضايقين وبتتعين حتى لو بعد كم سنة من الغربة

لكن لو فكرتي في الأخوات اللي عايشين بين أهاليهم ..

نفس الشيء تحصل لهم مشاكل ومصاعب

لكن الفرق انك انتِ تحصل لك المشاكل وتنتهي بهدوء وبدون ماأحد يدري

لأني لما كنت في السعودية وأتضايق من شغلة ..

يحسون فيني أهلي والمقربين مني حتى لو ماقلت لهم .. يعني قمة الإحراج !!

عموماً الله يكتب لك كل مافيه خير وصالح .. لأمر دينك ودنياكِ :)

اعذريني أختي على الإطالة ..

لكن حبيت أكتب لك خلاصة تجربتي .. والله يكون بعون الجميع :)
دنيتي انا
دنيتي انا •
ياحظك ماشاء الله ... انا كنت دايم ادعي ان ربي يكتب لي نصيب بزوج يتغرب من سنتين ل 5 سنوات ( شفتي الامنية الخطيرة خخخخخخ)

بس خسارة خطبني واحد ماله في السفر الا بس سياحة ... شفتي عيني كيف النصيب

روحي الله يوفقك ... ولاتضيعي الفرصة بجد تجربة حلوة ومفيدة واحسن شي انك بتتعلمي لغة
أحلام مُشرقة
أحلام مُشرقة •
دنيتي انا دنيتي انا :
ياحظك ماشاء الله ... انا كنت دايم ادعي ان ربي يكتب لي نصيب بزوج يتغرب من سنتين ل 5 سنوات ( شفتي الامنية الخطيرة خخخخخخ) بس خسارة خطبني واحد ماله في السفر الا بس سياحة ... شفتي عيني كيف النصيب روحي الله يوفقك ... ولاتضيعي الفرصة بجد تجربة حلوة ومفيدة واحسن شي انك بتتعلمي لغة
ياحظك ماشاء الله ... انا كنت دايم ادعي ان ربي يكتب لي نصيب بزوج يتغرب من سنتين ل 5 سنوات ( شفتي...
أم دحومي الحلو

شكراً غاليتي على طرح تجربتك الرائعة ..
جزاكِ الله كل خير ووفقكِ أينما كنتِ ..
سُعدت بردك :27:
==============

دنيتي أنا

أشكرك أختي على المرور والمشاركة والله يوفقك في حياتك غاليتي :27: