كيف ابدأ بتنظيف الشقة الجديدة؟من والى...

كمان انا زيك ناقله شقه ثانيه اول شي قولي لزوجك يجيب عمال ينظفون الشقه اذا كان فيها تراب كثير وبعدين انتي تأخذين الشبابيك وتنزليها وتنظفيها بالمويه والصابون والحمامات بالفلاش او اي منظف اخر وبعدين تبدين تفرشين على ذوووووقك .....هذي نصيحة جارتي لي ....

صراحة موضوعك حلو يليت الى عندهم الخبرة انهم يقولون وشلون ننظف وايش الاثاث الى نختارة لمكان مو واسع وخاصة لو الشقة عادية او اقل من عادية مثل الى بتسكن موقتا سنة ونص مثلا والظروف لاتسمح لاستاجر شقة غالية كيف نجعلها شقة راقية ومرتبة ومريحة وياليت الى عندة صور يورينا وجزاك الله خيرا

للرفع

أنا كمان ناقلة جديد وكتبت موضوع أطلب فيه المساعدة وماقصروا بعض الأخوات لكن توقعت التفاعل يكون أكبر لأنه موضوع يهم الكثيرات ولذلك حكتبلك أش سويت بالتفصيل بس ابغى دعواتكم ليه ولزوجي وأولادي بالصلاح والفردوس الأعلى من الجنة وببيت الملك عاجلا
ياحبيبتي ترا الموضوع مو سهل أبدا بس ادعي الله أنه يساعدك إذا تقدري تجيبي شركة تنظف يكون اريحلك أنا قلت لزوجي بس مارضي
المهم رحت اليوم الأول واخذ شغالتي وشغالة أمي الله يخليها ليه وكان قصدي أنظف البيت كامل هذا اليوم شكلي كنت أحلم المهم قلت أبدا أنظف الأرضيات من آثار البوية والتراب لكن لقيت الكارثة الله لايبلانا وهي ..........................................................
أن الأرض كلها معدومة على أكمل وجه بالبوية وتراها سيراميك يعني مافي فرش اللهم قطع سجاجيد هنا وهنا يعني أغلب الأرضية حتكون ظاهرة فكييييييييييييييييف يعني الصباغ يابنات كأنه صبغ الأرض مو الجدار بدون مبالغةهذا وزوجي موصيه ينتبه عل الأرضيات إلاقولواوين عيونكم قبل لايخلص ونعطيه حسابه ياكافي الشر كانت بالسما بالبويات ماشفنا الأرضية المهم قعدت أنا والشغالات في ربع غرفة بالتنر والغاز والسكاكين ساعة كاملة كيف بالبيت كله إلا اتصل بزوجي واصيييييييييييييييييح تعال ألحقنا مو انت تقول مافي شركة أحسن شي شغل الوحدة بنفسها تعال وريني أش بتسوي يوم جا انصدم ويكلم الصباغ ويهزئه ويجيب 3عمال وهاتك يافرك بالأرضيات ورحت أنا والشغالات قلت يالله نمسك المطبخ على بال مايخلصون ويطلع المطبخ كله دهون ووسخ مايخرج الا بالفرك الشديد واجيب سطل واحط فيه مويه والمنظف العجيب اللي قالولي عليه بنات حواء الله يسعدهم (العملاق) مع كلوركس اللي ماقدر استغنى عنه وفرك الجدران وشلنا آثار الغراءحق المطبخ القديم بالسكين والشفاطة والأرضية وحطيت في البلاعة اللي في المطبخ وانتم بكرامة مسلك البالوعات من داك بعد ماخرجت الشغالة كمية من الوسخ ماتتخيلو وهاتك يافرك ألين صار المطبخ يلق
خلصنا والرجال لسه ماخلصو من كثر الصبغ اللي في الأرض وقلت يالله نبدأ بالشبابيك ونبدأ بشباك المطبخ ثم كملنا كل مايخلصوا غرفة رحنا نظفنا شباكها وكنت ننزل الشبابك القزاز وعل الحمام أغسله برضه بالعملاق مع الكلوركس ثم أنشفها بالجرايد والشبك خرجته برا عشان يتغير لأنه مقطع وحالته حاله المهم ذاك اليوم اللي قدرنا نسويه تنظيف المطبخ وشبابيك البيت كامل ونظفت بين السيراميك الروبة في غرفتين بس بالفلاش لأنه أسرع في النظافة لكن مانصحك تستخدميه باستمرار أناقلت بس ذي المرة بدأنا متأخر على الساعة خمسة ونص عصرا وشفتوا الليل قصير فنصيحة أبدأي بدري
واروح البيت وأنا هلكانه عل اللآخر وأخذلك دش الموية المعتبر وأحط راسي وهاتك يانومة
واليوم الثاني غبت مارحت الدوام لكن صحيت من الساعة سبعة وأخذ شغالتي وأروح للشقة وزوجي نايم عند عيالي وشغالة أمي ماقدرت أخذها لأنها تحتاجها مسكينة ونمسك الحمامات الله يكرمكم 3حمامات وغرفة غسيل ماشاء الله والأدوات المستخدمة منظف الحمامت من داك الأحمر) 101( والعملاق والكلوركس للجدران والأرضيات ومسلك البالوعات برضه من داك _ دعاية _هههههه والله يابنات من دون مبالغة وحدة من الحمامات ماكان البلاط باين من كثر البوية اللي عليه خلصنا من الحمامات نمسك البيبان ونفس الأدوات العملاق وكلوركس ومن ثم البلكونة إلي أكتشفناها بعدين من كثر الرمال إلي عليها ماهي باينه كان قصدي في الأخير أنضف الأرضيات لكن من كثر التعب ماقدرت وارجع البيت وأنا منتهيه واتروش واحطها نومة
وأقوم اليوم الثاني وأروح للدوام وارجع وأنام وأقوم العصرية وأنا جسمي في قمة التكسييييييييييييير حتى أصابعي والله تعورني واشربلي كوب نس كافيه واشيل شغالتي وعل البيت _ على فكرة طول هذي الأيام وانا ما اسوي الغداء زوجي الله يسعده ماقصرماشاءالله يجيب الغداء _ المهم نرجع لموضوعنا وأروح واعبي سطل موية والعملاق وكلوركس واكبه في البيت كله وهاتك يافرك الين يدي اقسم بالله اتجرحت وظهري آه ذكرتوني الوجع يألمني ونمسح عل الحمامات ومن ثم أخذ سطل جديد واعبيه منظف الأرضيات درامر يستخدمونه في تنظيف الحرم المكي الشريف نظافه واو وريحة خيااااااال ريحة نظافة وأغطس فيه خرقة نظيفة وأمسح الأرضيات كلها الغرف والمطبخ والحمامات
وآخر خطوة بخرت البيت كامل والله طلعت رايحة البيت تجنن ماشاء الله والبيت يلق من النظافة ماشاء الله
لكن ياتعبت تعب ماعمري تعبت زي هذا التعب وهي لما تجي تجي كلها مرة واحدة البيت والدوام كمان قالولنا شيلوا عفشكم في كراتين عشان أخر السنة وحيسوا تجديدات في المكان ظف في البيت وظف في الدوام وزاد الطين بلة أنه زوجي جته سفرة عمل وقاللي يالله جهزي الشنطة ويحسبني بسويله ليلي رومانسية قبل لايسافر مع ذا التعب أنسى
والله يابنات عمري ماخليت شغالة تمرخني لكن من كثر التعب اللي في جسمي اليو مجبت جيزال وناديتها وقلت يالله همتك أمرخيني ألين تقولي بس وهيا ماشاءالله عليها أقولها ماتعبتي تقولي لا اهنا اندونسي قوي ماشاء الله
الأن قفلت البيت واحبدا أرفع أغراضي ألين يرجع زوجي بعد أسبوع بالسلامة وننقل ونرجع للترتيب والتعب الحمدلله يارب اجعل عملي خالص لوجهك الكريم
معليش طولت عليكم لكن والله يوم كنت محتاجة كنت أبغى رد بالتفصيل فسويت اللي كنت اتمناه لنفسي وسامحوني كمان مرة ولاتنسوا دعواتكم

وتين2
الله يسعدك دنيا واخرة ويحقق امانيك
والله يرزقك انتى وزوجك واولادك الفردوس الاعلى وتاخذون احلى بيت ملك ان شاء الله