السلام عليكم ورحمة الله وبركاته
حبايبي انا نزلت موضوعي هادا في قسم الفتاة المسلمة لاكن للأسف مالقيت تفاعل نقلتو هنا اتمنى ما تتجاهلوني,,,,,,,
اخواتي الحبيبات...........
انا حابه اخد نصيحتكم........وعارفه ان كل وحده تدخل ما راح تبخل علي بنصيحه
لانهااااااا حتكسب اجر عظيم ان شاء الله
حبايبي انا والدتي متوفيه من مده طويلة حتى ما لحقت اقول كلمة امي.......
طبعا عشت حياتي ونا محرومه من الام وكلمة امي وحنانها وكل شي.يجي من الام انا إنحرمت منو((طبعا توفت وتقريبا عمري كان ثلاث سنوات او اكبر بشوي))والحمد الله على كل شي .
المهم حبايبي انا الحمد الله دحين كبرت وعرفت قيمت الام والاجر العظيييييييييييييييييييييم اللي إنحرمت منه اتمنى إنكم تقولولي كيف اقدر ابرها وهي في قبرها؟؟؟؟؟؟؟ ابغى اسوي اعمال اجرها يكون لها طبعا غير الصدقه او اني اروح اعتمر او احج عنها .....ابغى حاجه اقدر ابرها فيها يوميا طبعا انا عارفه الدعاء وان شاء الله ما اقصر فيه لاكن ابغى غيره........وكيف اقدر استغفر عن الميت يعني كيف استغفر بدل امي والاجر يروح لها............
غير كدا حبايبي في مشكله اعظم هي إني مني قادره استشعر إني انا عندي ام لاني حتى ما اتذكر شكلها ولا اتذكر شي عنها و ما عمرو احد جاب سيرتها قدامي لا خالاتي ولا عماتي طبعا مراعات لشعوري انا واخواتي حتى ابوي بس مره جاب سيرتها قال ادعولها بس .....طبعا انا شفت صوره لها بس برضو شعور الام انا مرررررررررررررره فاااااااااااقدته ابغى احس فيه ..ابغى احس بأمي عشان ادعيلها من قلبي......الحمد الله الوالد الله يفتحلو الجنه من اوسع ابوابها ويدخله فيها ويدخلنا معاه ونشوف امي بس دحين لما كبرت حسيت اني فااااااااااااقده الام وحتى والله الحين وانا اكتب كلمة امي احس انها غرررررررررررريبه دايم اقول امك او هدي امها او روح لامك لاكن كلمت امي انا انحرمت منها دحين سرت ارددها بيني وبين نفسي ومره قفلت الباب ونطقتها بصوت جهوري اقدر اسمعه يعني مو في نفسي والله العظيم حسيت بشي غريييييب ودي في ام والله مره مشتاقه لامي كل ما اشوف صورتها اقعد ابوووسها بعدين انتبه إني قاعده ابوس ورقه لاااا اكثر ما ادري اش القصه طوول عمري ما فكرت فيها معني طفلتها الصغيره يعني المفروض اكون متعلقه فيها لاكن ربي رحيم لاااااا كن الحين رجعني الحنين لها يمكن تستغربو اني كاتبه اني بنفسي احس بشعور الام وانا فاقدته ودحين اقلكم ان الحنين ذابحني انا قاعده احن لحاجه ما شعرت فيها او اني حسيت فيها بس الزمن ينسي ((لا تقولو هدي البنت جاحده اتذكرو انها توفت وانا عمري تلات سنوات))يعني لا تلوموني إني ما احس بأي شي سوتلي هو
حباااااااايبي بعدت كتير عن موضوعي الاساسي لاكن لا تلوموني وسااااامحوني كلامي مخربط بس اتمنى تكونو فهمتوني وتجاوبو على سؤالي اللي ختمته بخاتمه طويييييييييييييييييييله
وفي النهايه با اديكم نصيحه
((اخواتي اللي امها قدامها وتشوفها بعينها احمدي ربك وقومي بوسي رجولها وحطيها في عينك والله ثم والله العظيم انك في نعمه والله العظيم ما في احسن منها بعض الاحيان اسمع من البنات اللي تناديها امها وترد عليه هااااااااااااااه يمه وش تبين مستخسره تقوم تروحلها وتقلها نعم احمدي ربك وقومي تراها هدا اليوم تناديك حيجيلك يوم يتهيألك إنها تناديك من كتر شوقك لها ......وفي بنات اشوف امها تجيها تقلها قومي سوي شاهي او حاجه زي كدا...ترفع صوتها لا والله إش معنا انا اسوي ليش مو فلانه.....ياااااااااااعبيطه على شان شاهي او كنيس اوغسيل تزعلين امك امك.....اللي والله مافي احد في هالكون حيحبك زيها....واستغرب كمان من اللي تشوف امها تقوم تغسل وتكنس وووو..وهي تقعد فاتحه فمها إما على تلفزيون او نت او او.......احذر...اللي من هذا النوع ...انا انبها وقولها إنتبهي حتعضي اصابعك من الندم بعدين
....بعض البنات لما انبهم تقول والله ما ودي ارفع صوتي عليها بس هي دايم تصرخ علي وتقولي سوي شاهي لاخوك...انا وش لي شغل فيه ينفخ علي واسويلو اللي يبغا>>>يابنت إشتري الجنه اللي تحت اقدامها وسوي اللي تقلك على شانها مو على شان اخوك....وكثيييييييير من البنات يتعذرو ان امهاتهم عصبيات عشان كدا لا اراديا يرفعو صوتهم<<<ونا متأكده إن اللي تقول كده لها دور كبير في عصبية امها......مرررررررررره طولتها بس والله ابغى اذكركم....وبس))
وارجوكم إدعو لامي ان الله يغفرلها ويرحمها وإن الله مايحرمني من سماع كلمت امي زي من حرمت من قولها
((ولا تنسو تجاوبو على سؤالي الله يسعدكم ويرزقكم رضا والديكم وبر ابنائكم))
واخيراًاًاً
إستشعروا كلمت امي ترى معناها عظيم:heart:
فتاة تنثر الورد @fta_tnthr_alord
عضوة جديدة
يلزم عليك تسجيل الدخول أولًا لكتابة تعليق.
الله يرحمها يارب
حبيبتي ادعيلها و تتصدقي و لو عندك اخوان واخوات خليكي حبوبة معهم وحطيهم بعينك و خليكن مع بعض ع طول لانو لو كنت عايشة اكيد بتفرح بهيد شي
الله يرحمها يارب و جميع المومنين و المومينات و يخلي كل الامهات يااارب
حبيبتي ادعيلها و تتصدقي و لو عندك اخوان واخوات خليكي حبوبة معهم وحطيهم بعينك و خليكن مع بعض ع طول لانو لو كنت عايشة اكيد بتفرح بهيد شي
الله يرحمها يارب و جميع المومنين و المومينات و يخلي كل الامهات يااارب
شوفي حبيبتي الدعاء للام واجب عليكي و من العمال تالتي لا تنقطع بعد الانسان ما يتوفى بس لازم يكون الولد صالح بمعنى الكلمه لازم تكوني كل شيء كان امك نفسها تزرعه فيكي لو هي حية ترزق لازم تحافظي على دينك و اخلاقك لان كل ذلك يثاب عليه الوالدان باذن ال و الله يرحمها يا رب
تصدقي عنها\ادعي لها\ احفري لها بير وغير كذا من الصدقات الجاريه
كلمات اقشعر جسدي منها
وتخيلت كلامك والله انك صادقة
كلمات اقشعر جسدي منها
وتخيلت كلامك والله انك صادقة
ياعمري والله اني أقرا ودموعي تنزل الله يرحمها ويجمعك فيها بجنات النعيم حبيبتي بالسبة لبرها تقدرين تساهمين في بناء مسجد ولو باليسير وتقدري تشترين برادة موية وتحطيها عند مسجد أو في شارع أو في مكان عام لأن سقاية الماء من أعظم الأجر وأن شاء الله ياصلها
الصفحة الأخيرة
الله يرحمها ويوسع لها وينور قبرها ويجعله روضة من رياض الجنة ياربّ
والله يجمعكم في الآخره ياقلبي
يقول الرسول صلى الله عليه وسلم (اذا مات العبد : انقطع عمله إلا من ثلاث / صدقة جارية ، أو علم ينتفع به , أو ولد صالح يدعو له )
حاولي تستغفرين لها وتدعين لها وتتصدقي عنها وتزوري صاحباتها واخواتها والناس اللي كانت تحبّهم
لانها لو كانت حيّه كان اخذتك معاها لهم وماانقطعت عنهم
رح ادعي لك كثير