كيف ابلغ عنه وهل لي حق !!؟

السلام عليكم
مساء الخيرر يابنات والله يابنات انكم نعمه من الله بعضكم ينصحني وكاني اختها وتصحيني لان احيانا اكون غافله عن شي وتجي وحده تنبهني واستدرك الموضوع
يابنات انا لما اكتب موضوع ابي نصايح لان تعرفون ان اهلي وكل اخواتي محد لمي وحياتنا معفوووسه الحمدلله والشكر فعشان كذا مالي بعد الله الا انتم اكتب واشوف وش تقولون يعني كانكم اخواتي فتقبلو ماكتب بصدر رحب وانا ماكتب شي الا شي شاغلني فعلا مو تسليه او تقضيه وقت
المهم بكلمكم عن شيخ جانا من زماااان
اذكر من فتره طووويله يمكن من سبع سنوات كانت اختي تعبانه وتصيح ولاندري وش فيها وجاب خالي واحد يقرا عليها وليته ماجاااابه المهم بدا يقرا على اختي بالبيت عندنا وقال مو طبيعيه البنت فيها شي وقال لازم اواصل قراءه لمده طويله يعني يجلس ساعتين ساعه ونص كذا طبعا الي يدور العافيه بيوافق وافق خالي وصار يقرا عليهاا ويقرا واخوي جا واستغرب منه يقول اقوله يله خل نصلي اذن المغرب يقول اصبر واذن العشا ولاراح يصلي جالس يقرا على اختي انا اقول لاخوي مستحيل هذا شيخ مايصلي وووين احنا فيه قال يمكن له طريقه معينه لو صلى بيقطع القرايه قلت مهما كان الشيخ مايفوت الصلاه ماله عذر
المهم خلص من قرايه الساعه تسع ماقولكم متواصل لا يجلس يتكلم شوي ودخلني ودخل امي وقرا علينا كلنا على اننا ماكنا نبي الا يقرا على اختي وعطانا مويه وزيت وشربت من الزيت انا وثنتين من اخواتي
المهم فجاه كذا صرخت اختي ووقفت قالت لاتمسكني ولاتلمسني احنا نحسب فيها شي وهو يقول خلوها عادي مو هي
طبعا حركاته خلا فيها مس وهي مافيها شي هي تتكلم بعقلها تقوله لاتلمسني مارضى وتهاوشه وطلعت من المكان طبعا انا انصدمت منه واحد ياخر الصلاه ويلمس ويحلل وقال بيتكم مليان ملغم وقال اقطعو النخل تخيلو عندنا نخله من سنين طوووويله من حياه ابوي الله يرحمه وقال فكوهاا هي سبب تعبكم في تحتها اسحار واحفرو التراب كله وكبوه برا المهم اخوي وخالي موافقينه بكل شي وفك بعد سقف المطبخ كله مدري وش الحكمه وصعد فوق وشاف كل شي وقال بيتكم كله مرشوش مدري وش يقول المهم مدري كيف عرف ومدري كيف يحكم
طبعا هذا من زمان قبل مشاكل اهلي اللي الحين تفاقمت المشكله مرررره وكل واحد بجهه وتغيرو اهلي يعني ماحل ولاشي وتخريب البيت مافاد ولاشفنا اي فايده تذكر بل العكس زادت مشاكل اهلي الحمدلله على كل حااال
انا مادري وش هذا المهم فتره وجا خالي وقال انه يقول يبي وحده من اخواتي يتزوجها هو مطلق ويبي يتزوج وخالي مايسمع فيه دايم يمدح فيه حتى مرت خالي ماترتاح له تقول اذا جاب شي منه خالكم ارمي قرايته واحط مويه ثانيه بس ياعمري مرت خالي ماتقدر تقول لخالي شي لان شخصيته شديده شووي
واكتشفت ان امي مكلمته من فتره قريبه تساله عن البيت وهو يعطيها من نصايح الي استغرب شيخ يكتب كذا ويسال عن اختي الي ماتزوجت يقول عادي تتزوجني !!! وقلت لامي لاتكلمينه قالت وش فيه شيخ وينصح قلت لو فيه خير مايتكلم كذا ولاياخذ ويعطي ويسال عن بنت مافي شيخ كذا ولاتسمع لي ابدا
وحتى والله يوم درا ان اختي الكبيره طبعا من سنين كان في حياتها مشاكل صحيه قال تطلقي عيالك ماراح يضيعون يقول كثير تطلقو وطابوو !!!
انا بصراحه ودي ابلغ عن الشيخ هذا يشوفون حل معه يحققون معه مارتحت له ولا ارتحت من رسايل الي يرسلها لامي وامي ماتسمع فيه مره مصدقته بكل شي واخاف يقولها شي وتصدقه
ترا اكتب ماذكر من الاحداث اسردها لكم سرد وباقي من الاحداث ماقدر اقوللها كذا بيطول الموضوع بس اهم شي فهمتو ماقصده
شرايكم وش اسوووي الي عندها نصيحه تعطيني والي ماعندها تدعي لنا بتيسير امورنا الله يكتب لكم الاجر