كل عام وانتم بخير بعد الزحمة ..
:26:
سالفتي يا بنات يمكن تشوفونها تافهه بس ضايق صدري بسببها
أنا وحده ما عندي وقت لا لجيران ولا لصديقات ودائما مشغولة دوام وشغل خاص وأطفال ورى بعض فيادوب أزور القرايب وأهل زوجي .. عندي جارة وحده تجيني واجيها لأنها فرضت نفسها فالبداية وكانت تصر علي اجيها وتطب عليه فأي وقت وصرت انا بعد أطب عليها لحد ما صار البساط أحمدي وتعودنا على بعض وسرنا زي الأخوات..
وفأول رمضان جهزنا صينية فطور بسيط وقلت للشغالة تنزله لجارتي وما ردو كانو رايحين لأهلها يفطرون ..
ورجعت الشغالة الصينية .. قال زوجي ليه ترجعونه ودوه لجارنا فلان.. جارنا هذا من جنسية أخرى بدون ما أحدد .. عائلة كبيرة ما شاء الله .. ارسلنا لهم الفطور .. شوي إلا الباب يدق جايبين صحونا مليانه من فطورهم .. العشا الباب يدق .. جايبين شي مدري وشهو بس ريحته تحوم الكبد الله يعز النعمه وقالو هذي من اكلاتنا المعروفه عندنا ..
شوي بنتهم الصغيرة جايه خلي بنتك تجي تلعب عندنا ..طبعا مستحيل ما اعرفهم وقلتلها بتنام..
من بكرة جابو فطور وسحور.. واستمر الحال على كذا .. نرسل اللي نقدر عليه الله يقبله واذا ما سوينا شي رجعنا صحونهم فاضية
بتقولون وين المشكلة.. المشكلة كل يوم يرسلون وما أحد يأكله ..أنا مستحيل آكل من ناس ما اعرفهم وهم مو مثلنا نظيفين بناتهم فالشارع بدون جزم وملابسهم حوووسه باين ما احد يهتم فيهم وبيتهم والله بدون مبالغة فيه ريحه كريهة تشمينها إذا مريتي من عند الباب ..
والشغالات ما يرضون يأكلونه .. قلت لزوجي بأغلفه لك وتعطيه احد بس ما نعرف أحد حولنا..
وأنا مقهورة على هالنعمة اللي تنرمي وهم عايله كبيرة هم أولى فيها .. والله اتركها فالثلاجه يومين عسى احد تنفتح نفسه وياكل منها بس ما في فايدة ..
ترى لو وجبة وجبتين ما حطيت الموضوع بس مره مبااااااااااااالغين ويرسلون كميات كبيرة حتى الموز والتفاح يرسلونه .. الناس تموت فالصومال وأنا اناظر هالنعمه ومقهورة بس ما ني عارفة اتصرف زوجي بكل برود يقول كلميها وقولي محد ياكلها !! محتارة يا بنات ..
أم يزيد ورهف @am_yzyd_orhf
محررة برونزية
يلزم عليك تسجيل الدخول أولًا لكتابة تعليق.
ريمي ون
•
الله بعينك ما فيها الا انك اذا جابو الاكل تقولين ما نبغي شكرا وتخلينهم يرجعون بصحونهم يومين وما عاد يجيبون
او ادورون ناس محتاجه و تعطونهم الاكل
او ادورون ناس محتاجه و تعطونهم الاكل
الصفحة الأخيرة
خايفة من ردود بعض البنات اللي يقرون سطر ويتركون سطر