كيف ابين لزوجي اني مو مهتمه

السلام عليكم

زوجي الله يهديه عليه تصرفات احيانا تقهر

الاحظ احيانا انه يحب يحطمني وينتقدني كثير

يعني مثلا اذا لبست فستان ينتقد شي بجسمي
اذا صلحت شعري مثلا يتتريق علي

اي احد يمدحني قدامه لازم يحطمني وينقص من قدري

انا طبعا بحكم عشرتي معه جربت اكثرمن شي .. جربت الزعل لاحظت انه يستانس اذا عرف اني انقهرت من كلامه .. جربت النقاش معاه يقول لي انتي تحبين النكد
جربت التطنيش لاحظت انه يتمااااااااادى

قولوا لي كيف اقهره ببروووود يعني ابي اخليه يتأدب عن طولة لسانه وينقهر وبنفس الوقت انا اكون كووول ومو مبين علي

اليوم جربت لما قال لي عسى بنتنا ما يطلع شعرها خشن عليك مصيبه ؟ طنشت وقلت له اييييه على طاري الشعر شفت دعاية بالجريدة عن شامبو للرجال اللي عندهم صلع مثلك يا حبيبي ليش ما تجربه ؟ انقهرررر من كلامي مره وانا سويت نفسي عادي مو مهتمه
لكن بيني وبينكم كلمته قاااااعده بقلبي بالقوه مسكت نفسي ورحت للحمام وبكيييييييت من القهر
والحين احس اني ممكن انفجر وافتح الموضوع معه باي لحظه

وانا ما ابي كذا ابي ابين له اني مو مهتمه عشان ما يتمادى

ارشدوني الله يساعدكم