كيف اتاكد ان ........... ساعدوني طلبتكم

الى اغلى حوائيات ....
اتمنى تساعدوني في مشكلتي .. واتمنى اتمنى اللي عندها حكمه في الامور هي بس اللي ترد علشان انا مابي بيتي ينهدم على راسي .......

قصتي هي ..

انا متزوجه من 3 سنوات وزوجي الحمدلله يحبني .وعندي منه بنت..لكنه خاني مرره وكشفته بعد محاولات وبعد فتره طويله وصار واللي صار ورجعنا وتغاضيت عن الموضوع وتناسيته
هذه الكلام صار له حوالي سنه ..
خلال هالسنه مشت الامور عاديه والحمدلله ماصرت شكاكه ولا خليت هالنزوه اللي صارت له تأثر علي ..
اللي صار ..
اني الحين رجعت عندي شكوووك ... مادري احس انه رجع يكلم والسبب انه داااايم يخلي جواله مقفل مادري ليه ويتعذر انه ناسيه مقفل او البطاريه فاضيه ومن هالامور وقتها انا من غبائي اعصب عليه وابين له اني شاكه غصبا علي ماقدر امسك اعصابي حتى وان حاولت اسوي العكس
طبعا انا متاكده انه لو يكلم ماراح يكلم من شريحته لاني كشفته بالفواتير وبعدي اقدر اطلع عليهم فاستحاله يكون من شريحنه
انا خايفه انه يكون عنده شريحه ثانيه وهذه الاكيد من شان كذا يكون جواله مقفل لما يشيل شريحته
ويطلع باوقات غريبه مثلا الفجر نكون نايمين ماجلس واشوفه موجود او اخر الليل
انا نفسيتي تعبانه

واللي بتنصحني بالدعاء والاستغفار على راسي من فووق وان شاء الله ماني مقصره بحول اللله وقوته لكن مايمنع اني آخذ بالاسباب واتاكد من زوجي ..ومن حياتي معاه
بلييز ساعدوني كيف اتاكد اذا هو يكلم او لاا مع العلم انها مو المره الاولى له يعني عليه مسبقات واللي يسويها مره تجي من عينه يسويها ثانيه
ساعدوني اني تعبااااااااانه