كيف اتجنبه واثق فيه بعد كذا

السلام عليكم
ابغى اتعلم كيف اتجنب زوجي وكيف ما اخليه محور الحياه وكيف اثق فيه رغم خياناته وسفراته كل مره يسوي كذا أتألم واجلس ابكي واصرخ عليه وانهار وهو بارد بارد بارد جدا بالمواضيع اللي يكون غلطان فيها كذا يعطيني وضعية البرود والسكوت والنظرات اللي بارده ولا كنه مسوي شي غير كذا انا ما اهمه كل مره اقول له طيب انا رايحه لاهلي بعد حركاته معي ولا يهتم نهائيا ولا حتى يفكر يرسل لي متى بترجعون او اشتقت لك نهائيا مافيه
كيف يابنات اعيش واغير تفكيري فيه واخليه فقط اب لاطفاله ؟


انا تعديت مرحلة الاحتواء مع انه طلب مني كثير احتويه وفعلت لكن والله ماتغير بقى هو هو وبالعكس صار حتى مايحترمني يتلفظ ويشتم من باب سكوتي واحتوائي
واذا زعلت انطويت بمكان على نفسي املكم يجي يقول وش فيك لا يدخل علي وين فطوري او وين اغراضي او او او .. او يقول وش فيه وجهك عافسته قومي جيبي كوب ماء
كذا اسلوبه معي
هو تغير علي من صرت اكشف حركاته لكن انا عجزت اتغير عليه كل مره اجرب ابعد عنه يومين ثلاث اسبوع ارجع اخس عن قبل ادوره وهو يتعمد لاشافني بعدت يبعد ويجلس بالاستراحه اطول وقت ممكن عادي لين تطلع الشمس ويتعذر ليه ارجع ماني طفل وبعدين انتيم نايمين ارجع وش اسوي .. يجلس بالاستراحه اكثر من بيته والله يشهد على ذي النقطه


الان انا كيف اتغير عليه ويحس بتغيري من ناحيته ؟