كيف اتحمل النقد ؟

اختي رهف الحياة
انا اشاركك الشعور وعندي نفس المشكله الحساسيه الزائده

البيئه المحيطه لها دور كبير فإذا كانوا اللي حولك يدارون شعورك وعارفين هذا الشي راح تخف حساسيتك وراح تتقبلين كل شي بصدر رحب
والعكس صحيح اذا اللي حولك ما يهمهم لا شعور ولا غيره حساسيتك تكون اشد واشد مع مرور الأيام واي كلمه او حتى مزحه ما قصدها احد راح تجرح شعورك ويضيق صدرك من ادنى حاجه
والعمر ما هو مؤثر بدرجه كبيره يمكن الصغير اكثر حساسيه ولما يكبر تخف حساسيته والعكس غير المبالي لما يكبر يكون حساس بدرجه

اما من ناحيه الوراثه فممكن لأن الواحد يتأثر بوالديه وخاصه اذا شاف هذا الشي بحياته وهو صغير وأكثر شي يكون واضح في البنت تتأثر بأمها لما تكون الأم حساسه

والنقد عزيزتي مثل ما تفضلتي " بمثابة الهدية التي تهدى إلينا لنصحح أخطائنا في المستقبل و لكي لا نقع في أخطاء الآخرين و لنستفيد من تجاربهم"

لكن تقبلنا لهذا الشي محكوم بالشخص اللي يجي منه النقد واسلوبه في توجيه النقد
صدقيني اذا كان الشخص قريب منك ويهمه امرك راح تفرحين بنقده حتى لو كان جارح بعض الشي
واذا كان الشخص علا قتك سطحيه فيه ووجه لك نقد لكن بأسلوب لبق ونقد في محله
راح تتقبلينه بعد ...

والنقد في رأيي يصعب على الواحد تقبله بسهوله
لكن اذا عرفنا انه في الأول والأخير راح يجي لمصلحتنا راح نرضخ ونتقبله ...

اتمنى اني افدتك
والعذر على الأطاله....

أختي رهف الحياة


صدقيني راعي الطبع ما يغير طبعه


أنا مثلك حساسة لأكبر درجة وأي انتقاد بسيط أحسه مثل الطعنة في قلبي وما أتحكم في دموعي


المشكلة مو أننا ما نتقبل النقد لا المشكلة في تربيتنا ،،،، اي والله حنا تربينا على الدلال ويمكن تكون أمك طيبة مثل أمي يعني على طول مواساة وتسلية الخاطر إن زعلنا علشان كذا لما نجي نواجه ناس يحبون يجرحون أو ما يعرفون وشلون ينتقدون نحس وكأنها طامة ونزلت علينا


والله ما أقدر أفيدك في هالموضوع لأن فاقد الشي لا يعطيه،،،،،، والله يكون في عوننا آمين.

أنا على كثر ما كنت حساسه من اي تعليق وانتقاد
على ما كثر ما انا الحين ماااااااااااااا أهتم
مدري وش اللي تغير وشو السبب بس بعد أول سنه زواج حسيت أني تغيرت كثييير
والغربه غيرتني اكثر
صرت واثقه من نفسي كثير لدرجه احس اني مثاليه
أرفض أي نصيحه و احقر اي انتقاد أو تعليق
مايهمني شي دام اللي اسويه مايغضب ربنا ولا ينافي عاداتنا المعقوله

يمكن هالشي غلط بس أنا مرتاحه أكثر ألحين :)
والحمدلله على كل حال :) :26:

العمر والتجارب الحياتيه والعقل ايضا لهم دور في قلة حساسية الشخص


النقد كثير منا يرفضه وانا اجد ان السبب الرئيسي لرفض النقد هو الاسلوب الموجه فالبعض يعتبر الصراخ والقوه والنصح امام الناس اسلوب فعال للنصيحه ولكنها تكون العكس



كثير منا يجهل كيفية النصح وتقديم النقد الصحيح

انا مثلك حساسة على انها خفت حساسيتي عن قبل

بسرعة ازعل واعصب على اي كلمة او موقف يحصل حتى لو مزحة

ويبان تاثيره علي حتى لو ماتكلمت ..ومجرد ما اخلا بنفسي يطلع النكد والدموع وو

احيان كثيرة احاول اني اسمع من اذن واطلع من الاذن الثانية بس مااقدر
المشكلة اني انا انتقد كثير
الانتقاد لما يصير باسلوب محترم ممكن اتقبله لكن لما يصير تهكم وتمسخر علي وبالذات قدام الناس يزعل مرة وصعب انساه