كيف اتخذ القرار

اخواتي اتمنى تدلوني للقرار الصحيح
انا متزوجه من رجل اعتبره ولله الحمد زوج مثالي ولدي طفل زوجي يعمل في الجبيل في سفن البحريه وانا اسكن عند اهلي في الرياض وفي نهاية الاسبوع اذهب لشقتي حيث يجتمع شملي انا وزوجي وابني والسبب انا عمل زوجي صعب لانه يطلع في كل اسبوعين او ثلاث بحر بسفينه لمدة ثلاث ايام مافيها ابراج يعني لااتصال واليوم الرابع يكون فيه اتصال ولكن يناوب فيه طبعن من يوم زواجي مااخذني معه لشرقيه لانه يقول ماراح ارتاح اذا طلعت بحر وانتي لوحدك في الشرقيه وبيني وبينكم انا اخاف اجلس لوحدي لمدة اربع ايام صعبه علي لاني اكبر خوافه غير اني متعلقه باهلي ومقدر على بعدهم لكن لاحظة ان زوجي بدا يطفش من شغله ويتشكا كثير منه ومايصدق متى يجي لرياض واليوم اللي يرجع فيه يكون متضايق غير اني اقلق عليه من الطريق وهو مايبغى يضايقني و يدري انه صعب علي ومخليني على راحتي لكن انا ابغى اريحه واستقر معه في الجبيل بس خايفه اندم وماتحمل الجلوس لوحدي ثلاث ايام هذا غير الموناوابات اللي في نص الاسبوع والرحلات هذي تجي فجائه في اغلب الاوقات انا محتاره وخوافه ارشدوني انصحوني وجهوني ولكم مني الدعاء