كيف اتخطى

السلام عليكم امس وديت امي عند ناس نعرفهم امي اصرت على الا انزل عند الناس ذولا رغم اني ما احب الأجتماعات وما احب الناس بسبب تدخلهم بأموري المهم نزلت وقفلت السياره ورحت مع امي دخلت الا اشوف المجلس مليان حريم كثير كثير طبعاً سلمت عليهم وجلست جنب امي اقسم بالله العظيم يا اخواتي ان هذا اللي صار كل اللي في المجلس مافي سيره الا سيرتي ليش ماتزوجتي اللي كبرك عيالهم بالمدارس اللي اصغر منك تزوجو عمري 30 سنه وللأسف الشديد ان اللي ينتقدون عندهم عيال كبري ومو متزوجين طيب اذا انتي شايله همي اخطبيني لواحد من عيالك كلهم اقسم بالله العظيم كلهم هذي هي اسئلتهم لي اعترف لكم اني ركبت السياره ودمعي بعيني لأني مو اول مره تصير لي هذي المواقف السيئه و المحرجه مادري كيف اوصلكم شعوري ان قلبي جداً مكسور وافكر بكلامهم 🥺💔 طيب محد تقدم لي كذا من الله انا مالي لاحول ولا قوة بأمور حياتي فيك خير اخطبيني لولدك فيك خير اخطبيني لأخوك بدال هذي الأسئله الغبيه المصيبه مو هنا المصيبه ان امي تقول كلامهم عادي ليش تزعلين بناااات والله العظيم اني من امس اتذكر الموقف وابكي مثل البزران احس في قلبي غصه ومو قادره اكل الا شي قليل من امس وانا على هذا الحال ليش ربي دائماً يحطني بهذي المواقف و الأنتقادات 💔