احيانا تعشقينه تحبينه يحبك يفضلك على البقية..حتى على الذكور
يثق فيك..تصاحبينه حتى في سفراته وجلساته وطلعاته..وحتى في نومته..
حبه لك واضح ومؤثر في شخصيتك..زي البذور..
لكن تصحين فجأه وهو موجود لكن لناس ثانيين..مايستاهلونه!!
تتحول علاقتكم حوالات مصرفية واتصالات رسميه..
هنا يكون دورك انتظار الأب البديل..

المهم البر بريه وأدعي له أساسا الأب مهما كان جفافه وخطاءه من الفطره تغفرين وتسامحين وإن إعدم الحب والشي لا إردي نبقى الرحمه تجاااه ..

شوفي ياعسل الكلام لك ولي وللجميع
من فينا الدنيا على هواه وعلى كيفه. ومن منا مرتاح من كل الناس احنا هنا في دار اختبار الصبر هو الحل الوحيد لكل الهموم والمتاعب لكن بشرط يكون صبر جميل. صبر تتلذذين فيه لما تتذكرين عاقبته. وترا الصبر تذوقين حلاوته وباكورته هنا وتذوقين ختامه هناك. انما يوفى الصابرون اجرهم بغير حساب.
المهم النبي صل الله عليه وسلم قال اان الله تجاوز لأمتي عما وسوست أو حدثت به أنفسها ما لم تعمل به أو تكلم. رواه البخاري ومسلم.فانت ان شاء الله ماعليك اثم وسبحان الله كراهة الوسوسه السيئه من الايمان. اسئل ان يحبب الينا الايمان ويزينه في قلوبنا. وشغله ثانيه عشان تقدرين ترتاحين دايم اذا عتبتي على احد من الناس اعتبي عليه برحمه وشفقه وانظري له على اساس انه مبتلى واسئلي الله العافيه كذا رح تلقين نفسك احن عليه وارحم به. واقري كثير عن بر الوالدين وعظيم اجره. وتذكري الايات القرآنيه في حقهم هذي كلها تبني داخلك سد منيع وتخلي والديك على قمة محبتك ورحمتك. توددي لابوك بالكلام الطيب ومازحيه ترا ابهاتنا عاشوا في فترة صعبه وجديه جدا ولا لقوا اللسان الحلو والقلب الرحوم كثير فخلونا احنا نكون لهم كذا. واذا مثلا وحده ابوها على خطأ وتبي تنصحه فترا النصح للوالدين غير عن النصح لبقية الناس. ولاتنسونهم من دعواتكم
يارب ارزقني واخواتي هنا بر والدينا البر الذي يرضيك عنا اتم الرضا