كيف اتخلص من الخجل؟

روحي اخصائي اجتماعي او طبيب نفسي

صعبه شوي
مادري شلون اقول لامي ولو قلت له تتقول لاعادي كلنا مرينا من هالشيء بس انتي اغلبي نفسك .. ومثل كذا
انا ابيحل غييير الدكتور النفسي
طيب تقدون تعطون رابط موقع دكتور زين او صفحة بالفيس بووك او او او .. ؟

بنات سعدون وينكم

كرري على نفسك عبارات ايجابيه
انا واثقه
انا ثابته
انا جميله
وابتعدي عن العبارات اللي تهز فيك ثباتك
مثل انا خجوله
انا لاافهم
لااعرف
وخالطي الناس سولفي مع وحده مثلا حاوووولي واطردي الافكار السلبيه
بعدها بتقدري تتكلمي بطلاقه مع التعود والممارسه
بعدها حاولي تسولفي مع اكثر من بنت وتنوعي في علاقتك
بتلاحظين نفسك بديتي تنطلقي
بعدها بتحسي نفسك قادره تسولف على 2 او 3 بنات في وقت واحد ومع التعوود واقحام نفسك في المواقف اللي ترهبينها ستجدين نفسك طبيعيه وحتى لو حسيتي برهبه تقدري تسيطري عليها

ونصيحه من مجربه ماوجدت نفسي منطلقه الا بعد مااقحمت نفسي في هذي المواقف والحمدلله
واحيانا مو برضاي اكون مضطره مثل التطبيق ايام الكليه وجدت نفسي امام مايقارب 30 طالبه
لكن تظاهرت بأني واثقه ومشيت مشيت الواثق والوقوف ثم النظر الى جميع بنات الفصل وانا اشعر برجفه ورهبه من جوه لكن الحمدلله لاني دخلت بقوه ودفعت نفسي الحين صرت جريئه نوعا ما

اهم شي لاتقعدي تفكرررري في خجلك كثير