كيف اتخلص من الخجل مالي قبول عند الناس

السلام عليكم يابنات
انا عضوة جديدة وهاذي اول مشاركة لي
بسم الله نبدأ😊
انا يابنات بدت قصتي من يوم كنت صغيره المهم تربيت في بيت كل شيء عندهم عيب حتى الكلام عيب يوم كنت صغيره اهلي مايخلوني اتكلم عند الناس يخافون افشلهم وتخيلوا كنت انظف وارتب البيت قبل لا ادخل المدرسه وحتى في البيت مالي كلمة طبعا ابوي يعاملني برسميه ما كأني بنته ابد ولا مره سولف معي ولا مره قالي يا بنتي ناقصك شيء امي اهي اللي شايله البيت على رأسها ابوي ماقصر معنا بشيء بس ما عطانا الحنان وبذات انا ما كان يهتم فيني ولمن كنت اشوف بنات عمي مدلعات وعمي مو مقصر معاهم بشيء كل شيء يبونه يجيبه لهم ويسولف معاهم ويشتري لهم العاب كنت اقول ياليت ابوي مثله المهم دخلت المدرسة انا واختي اللي اكبر مني بسنه وامي تقول لنا لاتتكلمون مع البنات خلوكم مع بعض وكنا بفصل واحد اللين تخرجنا من الثانوي واحنا مع بعض وانا ما كان عندي صديقات بس اختي عندها صديقات طبعا اختي اهلي يخلونها تتكلم لأنها اكبر وحده اما انا اكثر وحده مهمشه في البيت محد يعطيني وجه حتى لما اتكلم يسكتوني وكنت متفوقه في الدراسه بس ابوي مايعطيني وجه ولما اختي اللي بالمتوسط تجيب جيدجدا يمدح فيها ويجيب لها هديه اما انا اجيب نسبة98 واجيب شهادات تفوق بس مايعطيني وجه كبرت وصرت بس ساكته لان ما احد اعطاني فرصه اتكلم حتى صارت ماعندي ثقه بنفسي شكيت اني ماني بنتهم امي مهتمه فيني وهي اكثر وحده تدعمني انا باره بامي وابوي والمشكله اخواني وخواتي مو مره بارين بامي وابوي بس اشوف ابوي يحبهم اكثر مني المهم اني دخلت الجامعه وما انقبلت اختي معي وصرت وحيدة بالجامعه ماعندي صديقات حتى وقت البريك اجلس لحالي او اروح للمكتبة او المصلى المشكله محد يعطيني وجه لا في البيت ولا في الجامعه قبل كانت معي اختي اللحين مالي احد الا رب العالمين حتى بنت خالتي اللي كانت اقرب الناس لي تغيرت علي كنا مع بعض من يوم كنا صغار اللين كبرنا والسنه هاذي تغيرت علي يوم صار عندها صديقات صارت تقول عني ممله اكيد بكون ممله اهلي ماخلوني اتكلم وصرت اسيرة الصمت صابني رهاب اصلا ما اعرف اتكلم ولا اعرف اسولف حتى لما رحنا لهم كنا متجمعين انا واختي وبنات خالتي قالت انا راح اسوي قروب واضيف صديقتي فيه تبغوني اضيفكم فيه قلت انا لا قالت اصلا انتي من قال اني بضيفك تبغين تفشليني عند صديقتي ماتسولفين واقسم بالله رحت الحمام الله يكرمكم قعدت ابكي اول مره تتكلم معي كذا دائما تقول لي عن كل شيء اللحين لا حتى في الجامعه محد يعطيني وجه والله يابنات ماناقصني شيء جميله ومؤدبه ليه مالي قبول عند الناس نسيت شيء لما كنت صغيره كنت اذاكر وجاء اخوي (اصغر مني)ودفيته بالغلط وطاح على السيراميك وكانت طيحته قويه وبعدها خاصمتني امي وضربتني ضرب وقالتلي والله لا اوديك الشرطه لو صار بخوك شيء وجلست ابكي واخاف ومن بعد هالموقف صرت اخاف وصرت ما انام وصرت اقوم وابكي بس امي ما كانت تدري لاني كنت ابكي تحت البطانيه تغيرت حياتي بعد هالموقف صرت اخاف وابكي ادعولي يابنات ان الله يرزقني بصديقه قولولي كيف اتعرف على صديقات كيف اخلي البنات يحبوني كيف اصير جريئه اسفه طولت عليكم لاتلوموني ما لي الا الله ثم انتم❤❤❤