كيف اتخلص من السوائل اللي بجسمي بعد الولاده ؟ ساعدوني

والله ماعندي خبره بهالموضوع حبيبتي..
بس ماحبيت ادخل واطنش..

وان شاء الله يفيدونك البنااات..

صباح الخير حبيبتي ، أنا لي 4 أشهر والده ولكن لهلأ ما رجع وزني الطبيعي بس عم سوي رجيم الكاربوهيدرات ، بس إزا بترضعي ما بيسوى تعمليه أعتقد ، وإذا على السوائل بتروح لحالها ، كل ما رضعتي كل ما نزلت كل السوائل الي بجسمك مع تخفيف بالأكل وإذا بتقدري أعملي رياضه .

rem@s شكرا على المرور
hadhood1 صباح النور :27:

قلت ياناس ساعدوني :icon33: ابغى ردود اكثر :D

هلا حبيبتي تذكرت معاناتي فحبيت افيدج خصوصا اني صرت خبره

اولا اذا انتي اترضعين ديري بالك تاخذين اي نوع من الاعشاب لان حليبك راح يتشبع فيها وراح يرضع منها الولد ممكن اتسويله مغص او اسهال لا قدر الله او يكره الحليب

ثانيا اول ما اتقربين تطلعين من 40 راح تحسين انج تعرقين حيل هاذي اول مرحله تفرغ الماي اللي بجسمك (عن تجربه ) لكن للاسف اللي تولد بالشتا ماراح تحس ابهالاحساس حيل

بالنسبه للي تقدرين اتسوينه لازم تشربين ماي عادي مو مياه معدنيه يفضل ساخن الى دافئ على الاقل 1 ونص لتر باليوم يعني بطل كبير ماي (خليه مقياسك) تترسينه مره وتحطينه جنبك لما اتخلصينه تترسينه كمان مره واتحاولين اتخلصينه لا يقولولك انه مو زين للوالده ترا خرابيط راح ينظف جسمك ويطهرة من السموم وراح يدر الحليب ويصفي بشرتك

الشي الثاني المهم انج تاخذين اشياء طبيعيه تمشي البطن اعرف وايد ياخذون كوب نخاله يخلطونها بكوب روب تصفي البشره وتنظف البطن وانتي بكرامه وايد مفيده لج في هالمرحله
او برتقال وتفاح بالنسبه للتفاح يفضل تاكلينه ابقشره

المرحله الثانيه اللي راح تحسين فيها بفرق ولازم عشان توصليلها انج تكونين متبعه التغذيه الصحيه يعني الاكل مشويات واسماك ومسلوق بدون دهون والخبز اسمر والحليب ومنتجاته قليلة الدسم وفاكهه وخضراوات واتكثرين ماي راح تحسين جسمك لم وبدا يرجع قريب من اول اذا استمريتي وزدتي عليها مشي من نص ساعه الى ساعه ابشرك على ما تدور لك سنه الا انتي بحمد الله راجعه مثل الاول اواحسن بعد والا بالكثير الكثير خمس كيلوات فوق وزنك قبل لا اتحملين اذا كنتي اتخربطين بالاكل

نصيحة امجرب اسمعيها مني وانشاء الله الله يحفظ لج ما البيبي