اختي اول خطوة عشان تتخلصين من العصبية لا تقعدين مع الناس... اتغشمر ، المهم، أول خطوة لما تعصبين و تتضايقين من موقف صار سكري حلجك و خذي نفس طويل شوي وفكري قبل ما تتكلمين هل يستاهل الموقف أو الشخص اللي قدامك الكلام اللي بتقولينه له؟ و بعدين لو كان يستاهل تذكري كلام ربك (و العافين عن الناس) و العفو عند المقدرة!وان الحلم سيد الأخلاق! و ثرى الضغط يولد الانفجار اقصد زوجك و اولادك هم اكثر حد يتضرر و مع الوقت ثرى الزوج ما راح يستحمل يا بيرد عليج او بيتخلى عنج و تخيلي نفسك بدونه الدنيا ما لها طعم.و عيالج وين يروحون اذا ما يحسون بالأمان في بيتهم وين يروحون؟ الخادمة اذا عصبتي عليها بتشرد بس عيالج ايش يعملون والله في ذمتك انه اعرف وحده من كثر عصبيتها على بنتها البنت حاولت تنتحر و هي عمرها تسع سنوات.

حبوب منع الحمل هي السبب

الله يجزاك خير على الموضوع البنات افادونا الله يجزاهم خير خصوصا كحيلة الله يعطيهم العافيه جميعا

سبحان الله نفس مشكلتي الجيران يسمعون صوتي وعيالي تعقدوا مني هم يرفعون الضغط وانا ما استحمل البنت 4 سنين والولد سنتين هو الي مجنني الله يصلحه
يمكن صح من حبوب الحمل بس شنسوي ما نقدر نتركها

هذي طبيعة البشر
يعني فيه ناس حارين وعصبيين وبسرعة يولعون وفيه ناس باردين وموسعين صدورهم على الاخر
وبالعزيمة والارادة تقدرين تتغيرين