كيف اتخلص من شخصيتي الضعيفه

السلام عليكم ورحمه الله وبركاته

انا انسانه في نصف العشرينات واعاني من ضعف شخصيتي مشكلتي حساسه بس مو مره وضعيفه مرره

مقدر اخذ حقي بيدي ودموعي بسرعه تنزل واحس بخوف ورجفه فضيعه عشان كذا اتهرب من الشخص اللي قدامي

مشكلتي تعرضت لمواقف كثيره بحياتي وناس جرحوني وتعمدوا جراحي لانهم عارفين اني طيبه وضعيفه وكانوا يفرغون طاقتهم فيني ومقدر ارد

ومجرد ما اتخيل اني ارد عليهم ارتبك وتجيني رجفه في عظامي ويبين علي واخاف من المواجهه دايم اتهرب

واذا جيت ارد على من يغلط علي اقول كلام متلعثم وارد احيانا برد ماله دخل بالسالفه

واحيانا من هول الصدمه اجلس ساكته فتره بعدين استوعب السب وكأن شي بجواتي انكسر وانصدم ومقدر ارد واحس بنغزه في قلبي

مدري اشفيني ضعف شخصيه او قله ثقه بالنفس ومرض نفسي

تكفون علموني كيف اواجه الناس واكون قويه شخصيه وقويه وجه انا ابين اني قويه من برا لكن من جوا عكس

خايفه حييل على نفسي ولحد يلوموني مريت بطفوله ومراهقه مروعه بس كيف اطور من نفسي

اعرف وحده كانت ضعيفه مجرد ماتزوجت صارت قويه وترد وتعطي بالوجه ولاعليها باحد وعلى كذا حتى لو سفهوها الناس ماعليها تمشي الموضوع ولاكأن شي صار والمشكله هذي الانسانه هي اللي دايم تجرحني

نفسي اكون كذا ماعليه باحد بس ما اقدر ابعد هالرجفه والخوف رغم انهم غلطانين علي

اجل لو انا غلطت وش باسوي تكفون ساعدوني الله يسعدكم