كيف اتخلص من هالعاده القبيحه

السلام عليكم ورحمة الله وبركاته

اخش على طول في مشكلتي اللي سبق وكتبتها بس حبيت اعيدها لانها كل مالي واردى ....... اااه وش اقول الله المستعان

صحيح ان عندي هموم مايعلم فيها الا رب العالمين مكدره شبابي ومسببه لي كتمه بصدري وضيق :44: بس اني عارفه انها مالها حل الا الدعاااااااااء لذالك لاجدوى من طرحها... حتى مامرت علي قصص هنا مثل همومي بس انا صابره ومحتسبه . . . .

والمشكله هذي ادري بتقولون تافهه بس انا عرضتها من بين كل همومي لان ممكن اجد لها حل عكس مشكلاتي الثانيه . . .

مشكلتي مدري هي حاله نفسيه ولا عين ولايمكن متشمته بحد

الزبده اني مقدر اختلط بالناس ولااقدر اندمج غصبا علي والله لاني احس اني حقييييييييره ... مثلا امي لما اتكلم معها عيوني تروح لشعرها اشوف الشيب وهي ياعمري تنحرج وتغطيه وانا مقدر اسيطر على عيوني والله اني اعاند نفسي مقدر مقدر
ولاخواتي وبنات خالاتي وعماتي وصديقاتي مقدر انبسط معهن لما اسولف... اذا في الوحده عيب عيوني طول الوقت عليه مقدر اشيلها
او ان عيوني تطيح على يدينهن ورجولهن ولا صدورهن ..ولا اذا حامل اشوف بطنها فشيييييييله ... احس انهن يتضايقن ويغطن يدينهن او يخافون اني احسدهم ..... وانا قسم بالله وربي يشهد علي مااتعمد هذا الشي ولااهتم اصلا لاني انا الحمدلله جميله وناعمه بس هالشي غصب علي يصير مثل الوسواس القهري
حتى لو تسألوني كيف ايدينها ماادري لاني مو هذا قصدي بس عيوني كذا تطيح غصب

ولو اني حسوده كان ماشفت الزين بس انا حتى العيوب عيوني تطيح عليها واحرج خلق الله

وابي اوضح الصوره لكم اكثر ... يعني وحنا نسولف سالفه انا تلقوني حرب بيني وبين عيوني احاول اركز اني اشوف الوجه بس وماانتبه للسالفه ماغير حررررب واجاهد نفسي ويحسون اني مو مستمعه جيده وان سالفتهم ماهمتني وانا ودي انتبه بس مقدر غصب علي والله ودي انسى هالشي ودي اصير طبيعيه عندي سواليف كثير ودي اسولف اتهنى بس حارمه نفسي مابي احد يتكلم علي ولااتكلم على احدلاني اتعب جداجدا .... لدرجة اني اظطر انعزل لحالي اذا صرنا متجمعين .. اروح انسدح مابي احد يكلمني ... حااااااااله

والله العظيم يابنات انه هم على قلبي اول مااصحى من النوم اتذكر هالمشكله وكيف بنزل اتكلم مع امي وخواتي وكيف بقدر اركز عيوني .... واذا جيت اروح الجامعه كيف بتكلم مع صديقاتي ... ياااااربي

علشان كذا انا الحين احبس نفسي بغرفتي او اني اطلع بس 24ساعه على التلفزيون علشان محد يكلمني مع اني والله ماودي اشوف التلفزيون يضيق صدري منه بس مضطره

وحبيت اقول شي انا قبل اعاني من هالمشكله فيه وحده اعرفها دايما عيونها على ايديني او صدري واتضايق منها لانها حسود مو على النظرات بس .. لا مثلا تقول ياحلو ايدينك ولاصدرك مو مثلي الله يخلف من غير ماتذكر الله
وكنت دايما اتنرفز منها وماودي اسولف معها
يمكن اكون متشمته فيها وصار لي هالشي . . . . او اني يمكن احس ان الناس يتضايقون مني لاني انا اتضايق منها
ودي البس نظاره سودا واواغطي عيوني :35: وارتاح واسولف على كيفي

ياليت تحلون مشكلتي
وكيف مااعاند نفسي واقهر روحي واتخلص من الوسواس القهري وش السوات ؟؟؟؟؟؟ :icon33:


وياليت اذا وحده تعرف موقع يطرح فيه المشكلات النفسيه اكون شاكره ومقدره

وادري الحين تضحكون على مشكلتي وطبعي البااااايخ اللي ماله سنع :hahaha: بس ماعليه