البنات كفوا ووفوا وانتي حاولي كثر ماتقدرين ماتواجهين هالريال كلش حتى في حضور زوجج كان بيخرب علاقتج بزوجج عشان يخلاله الجور لا حول ولاقوة الا بالله ادعي انه الله يلهيه بنفسه ويبعد شره عنج

عزيزتي الله يفرج همك لا تنسين الاستخارة قبل لا تقدمين على أي خطوة
وأحسن شي سويتيه إنك بينتي لزوجك إنك فاقدة أغراض من غرفتك

فالاول انا الوومك الومك الومك مليون مره على اللي عملتيه لان هالشي خطير جدا ومايجوز مهما كانت الظروف لكن هالكلام مو وقته الحين وربي يغفر لك

حبيبتي ...انتي تعرفين شي اسمه شياطين الانس ؟؟

بجد تراهم احيان اقوى من شياطين الجن ... هالحقير صدقيني ماراح يتركك فحالك وراح يستغلك بكل الطرق ولاتنسين ان زوجك صديقه يعني ممكن ياخذ اللي يبيه منه وتكون فصالحه

نصيحتي لك من اخت تحبك .. عليك بالدعاء ..وحاولي تشوفين حل جذري للموضوع لانك لو سكتي ونسيتي صدقيني هالشيطان الخبيث ماراح ينسى ابدا وراح يفكر بمخططات جديده لاجل هالشي نصيحتي نصيحتي لك حاولي تشوفين حل واذا زوجك انسان عاقل ومتفهم علميه ولاعليك منه لاجل لاتخسرين حياتك وتكونين فنظره خاينه لان صديقه ممكن يورطك
واذا هو انسان متهور حاولي تستشيرين احد اقاربك اللي تثقين فيهم

وربي ينصرك على من يعاديك

أولا الحمدلله انج عرفتي غلطج وندمتي عليه


ثانيا

بالنسبه للأغراض اللي خذها انتي حليتي المشكله
يوم نبهتي ريلج ان في أغراض اختفت

أن بالنسبه للتيلفون هو المشكله خصوصا لو هو محتفظ
بمسج أو تاريخ مكالمه بينكم.....

تقدرين تقولين لزوجج انج دوم تنسين موبايلج في اي
مكان في البيت وعادي هو يكون استخدمه وسوى
منه مكالمات على تيلفونه....

للأسف ما تقدرين تصارحين ريلج بالحقيقه لأن النتيجه
بتكون فوق راسج انتي حتى لوأثبتي لريلج انج متندمه

الصراحه ما تنفع ويا الرياييل في مثل هالمواقف حتى لو
هم عايشين ليل ونها في الخيانه

مافي داعي تبينين لريلج انج تكرهين هالانسان عشان
ما يشك وبعد عشان لو كان زوجج يخبر هالانسان
ولو على سبيل المزاح انج ما ترحبين بوجوده ، ممكن
ينقهر ويسوي شي....

احسن شي انج تبتعدين على اي شي يتعلق بهالانسان
واعتبريه كأي صديق من اصدقاء زوجج...بعييييييييييد

بس اهم شي ان زوجج ما يسكن حد وياه في بيتج ولو حصل
وسافرتي مثلا اطلبي من زوجج انج تقفلين غرفتج وهو
يستخدم غرفة ثانيه عشان ما تختفي اغراضج مره ثانيه وأعتقد انه
ممكن يتقبل هالشي

لااااااااااااااااااااااا تكونين غبية
لو صدقتي كلام هالصديق (العدو) بتتعبين وبتردين ترمسينه عشان تتأكدين من
تصرفات ريلج وممكن يحاول يسجل كلامج وياه

شوفي كيف ابتدت السالفة بينكم ووين وصلت؟

هو حاول يستغل شكج عشان يصيدج.......
وعلى فكره ترا في رياييل وااااااااااااااااااااااااااااااايد
يستمتعون يوم يسوون علاقه ويا وحده ملك غيرهم
وياسلام لو معرسه وحلوه

عليج بالصلاة والدعاء ان الله يحميج ويحمي بيتج
من شر هالانسان

الحمد لله انك وعييتي وتبتي وربك ارحم واعلم
بس ادعي ربك انو يخلصك من الموضوع