كيف اتخلص من وسواسي المجنون

السلام عليكم ورحمه الله وبركاته

بنات انا احس اني خلاص انتهيت عندي وسوااس قهري متنقل مره في الطهاره مره في العباده من 13 سنه

اعاني حييل لما اصلي او استحم اذا جيت اصلي لازم ادخل الحمام وانتوا بكرامه قبل الصلاه بساعه عشان اتاكد من عدم نزول البول

وبرضوا كل ما فكرت شي ااومشيت احس بنزول افرازت وانها مني ودايم احتلم واغتسل واذا شفت افرازت بنفس يوم الاحتلام بعد الاغتسال اجلس اوسوس انها مني وانا مدري هو مني او لا لاني اخربط كثير وما اميز احيانا ينزل افرازت شفافه ورائحتها كريهه واقول هذا مني واذا مشيت وسويت رياضه اشوف نفس الافرازت

تعبت حييل واذا جيت اصلي احس بغازات ماتجيني الا وقت الصلاه احيانا اطنش واحيانا اشعر بغازات حقيقه ماتجيني الاوقت الوضء والصلاه
اضطر اعيد الصلاه والوضوء وهالشي يكرهني في العبادات احيانا استحم في اليوم 3 مرات ولام اعيد قراءه الايات واتاكد من كل ركعه وواجب بالصلاه

حاولت اطنش ماقدرت احس اني متعمده ونجسه والله بيحاسبني ع قصوري

وتزيد عندي الوسوسه مع الصوم ورمضان قرب احس اني مو طايقه نفسي دايم ادعي الله يشفيني ولي فتره اقرا ع نفسي واواظب ع الاذكار احيانا

وكل ماحااولت اصلي بوقتها ماقدرت لازم اتاخر بالساعات راح عمري والحين طلع لي وسواس الشك بوجود الله استغفر الله مدري اشفيني كل ماجات هالفكره اشيلها من راسي ماقدرت افكر كيف يكون عذاب القبر والاخره احس اني بانجن من نفسي مو طبيعيه

المشكله اني عاقله مرره وومن يشوفني مايصدق اني من جوا كذا تعبت حييييل

حتى اهلي مايدرون بمعاناتي

تكفون دلوني وادعولي انا ماجيتكم الا اني محتاجه لكم ونصايحكم

ترى كنت اتواصل مع موقع ديني وخبروني اني مصابه بحسد او عين وعلى فكره الحسد والعين منتتشره عندنا