مشكوره هدوالليل وجميع اللي ردو وتدرون اني عمري ماحطيت شي بالفريزر ولااقتنع بالتجميد احسه يخرب ابي المجربات اطباق ماتخرب ابد تعلمني اويحصل بالطعم تغيير ومشكورات ياقلبي انتم خذيت منكم افكار حلوه

بعذرك لو تعبتي دامك ماتقتنعين بالفرزنه


على فكرة اغلب الأسر امكانياتهم ماتسمح بشراء هالاشياء
لكن في شي اسمه تقسيط
انتي تنازلي عن بعض المصاريف وخلي زوجك يشتري لك اجهزه بالتقسييط
وياخذون شي بسيط ً

انا بصلح شغلي واذا خلصت برجع لك بطرق فرزنه مجربتها شخصيا
بإذن الله

شوفي ياقلبي أنا لي مشاء الله لاقوة إلا بالله
حوالي 25سنة ومن تزوجت وقبل أتزوج وأنا أفرزن
طوووووول هالسني كلها مع اني أغلب هالسنوات كان عندي شغالة بس والله ياقلبي حتى الشغالة ماتلحق
وليش اقعد اشغلها بشي ممكن نخلصه في يوم ونوفر وقتنا وجهدنا لأمور أخرى
سواء راحة أو زيارات أو عبادة
حتى شغالتنا أهليهم اليوم اللي مافيه شغل تشوف لها صنف وتفرزنه عشان إذا جانا ضيوف
مانجلس نحتار أيش نسوي ولا ايش نحط ويضيع الوقت علينا والجهد
وإحنا ضيوفنا مشالله تلقين واحج من العيال عنده ضيف والحريم مع جهة وماندري من وين نبتدي
شوفي المعمول اللي بالتمر سوي كميات وفرزني سواء معمول العادي أو المعمول اللي على شكل رول
ويقلونه تلاقينه بكتاب أم عبدالعزيز والله العظيم 5شهور مايتغير بس أهم شي تحطينه بأكياس والأكياس
في علبة عشان مايتكسر وعشان مايضيع جوا الفريزر
البسبوسة تتفرزن والكيك وعندك سمبوسة صغار وأصابع ومربعات التمر مع الجبن
كل هذي ماتتغير بس طلعي وإقلي
وبعد فطاير البف سويها بالحشوات اللي تبغينا والسبرينغ رول خاصة بالربيان الناش إذا تحبينها تجنن ولا تتغير
فطاير الجبنة والزعتر كل هذي على ضماني
التسبيكة حقت الطماطم وتلاقين لي موضوع عن الطماطم راح يفيدك
وزي ماقالت حكايا إستنبول بعذرك تعبانة لأنك ما تعترفين بالفرزنة
يا قلبي كل الدنيا تجميد وفرزنة لوها ماتنفع مالقيتي الهايبرات تبيع ولا لقيتي الحريم
الطباخات مايلحقن طلبات
مع أني الحمدلله شغلي اسويه في بيتي هاتي شغالة بالساعة كل أسبوع مرة
مرتين وعبي فريزرك
وأنفضي بيتك من أعلى لتحت
وبعدها أمسكي عيالك ونبهيهم على الترتيب والمساعدة واللي يحوس عليه عقاب يضف البيت :42:

كل اللي كتبته لك في مشاركتي الأولى أنا ما أستغني عنه وفريزري ماتخلى منه ابد
حتى ورق العنب ألفه وأحطه في أكياس أفرشه طبقة وحدة وأسكر الكيس بلصق بعد ما اطوي أطرافه
وأجمعهم في بوكس مناسب لحجم التغليف واصير كل مرة أحتاج
اطلع كيس وأطبخ الكيس دايما فيه حدود90حبة

والله حتى الفواكه إذا شفتها بتخرب قطعتها وفرزنتها وأطلعها وقت الحاجة بس أحط مويا وسكر
بالخلاط وإشربي أحلا عصير باااااااااااااااااااارد
وغذا تبغي طريقة حلوة للعصير دايما اضيفي ملعقتين كبار من بودرة التانج لأي فاكهة عندك
خاصة التفاح والبرتقال والجزر

البهارات إطحني كل شي وسنعيه برضه تلاقين موضوعي للبهارات راح يفيدك بإذن الله
ومواضيع كثير للبنات روعة

الجريش اسوي منه كمية وأخليه برضه بالثلاجة بقدر إستيل أو صاج اوزجاج لأنه التيفال والألمنيون يتفاعل ويكفينا مرتين ثلاث بالأسبوع مايتغير بس أخذ كمية واسخنها مع إضافة شوي حليبب بودر
مخلوط بمويا قبل وشوفي الطعم
وكشنة الجريش أسوي كمية بالصلصة أو باللومي الأسود أوقات أسوي الأثنين وأحطهم بعلب بالثلاجة لو بأستخدمهم خلال أسبوع أو الفريزر إذا ماني عارفة متى استخدمها
أهم شي تكثرين زيت الزيتون فيها

المسقعة سويها وفرزنيها والله ماتتغير
ما اقولك أنه بيصير زي اللي توه مصلح
بس والله ماحد يفرق الطعم إلا شخص خبير بالطبخ والأكل
وهذا هم ياكلون من المطاعم وأكلهم أسوأ الأانواع وأرداها وكلها مفرزنات

شوفي ملوخية السنبلة تجنن هذي طبخة تحسب لك ولا تاخذ منك وقت
المقرزنات شوفي الحريم كل اللي يبعونه مفرزن تقدرين تسوينه وتفرزينه عادي
خاصة الفطاير اللي للقلي تجننن
البيتزا افرزنها أخبزها وأجهزها وأخليها تبرد وافرزنها
وبعد راح تلاقين موضوعي بيتزا إكس بريس بيتزا سريعة خاصة غذا عندك حمسة بصل وصلصة
تسبيكة ذي دايم تكون جاهزة في باب الثلاجة للزنقات
إدخلي الموضوع وراح تستفيدي بإذن الله
وفيه برضه موضوعي عن كيف تسوين الغداء بسرعة نسيت العنوان بس والله أعلم أنه فوق في أعلى الصفحة موضوع المواضيع المميزة

هاه إللي في خاطرك إسألي ونحن نجيب
بس أهم شي طبقي موب تتعبيني ولا تنفذين:42:

مثل وحدة كل شوي ترسلي واتس تشتكي مثلك وأجلس أكتب لها ساعة ثم تقولي لا
ما أقتنعت :42:
دامك مو مقتنعة لا تشتكين طيب خليك عيشي طول عمرك مشغولة وتعبانة وقرفانة ومضغوطة:icon19:

رفع

ما شاء الله بيض الله وجهك هدوء الليل ما قصرتي و انتي يا أختي صاحبة الموضوع جربي بس التفريز و شوفي الراحة كيف