كيف اتصرف

السلام عليكم


ليش الازواج انانين ليش الوحده فينا تفني عمرها وشبابها ويكون جزائها النكران
انا متزوجه من كم سنه وعندي اطفال بيتي وسط نوعا ما مائل للكبر ماعندي شغاله
ومع هالغبار والاطفال الاشغال ماتخلص يادوبني اخلص شغله الا متوسخه من ثاني
وبين المطبخ وبين الاطفال
هالشي خلاني اهمل بنفسي وبشكلي
ويمكن من الاسباب ايضا لاهمالي جمود الزوج كالجدار بالضبط ان لبست او مالبست كله واحد ومايفرق عنده ولا يحسسك انك موجوده بكل الاحوال..
رغم اني احيانا اسال بشكل مباشر لكن نفس رده الفعل
اصارحه دائما باحتياجي العاطفي والمعنوي لكن لا حياه لمن تنادي


الزبده اني انا احترم خصوصيه زوجي وعمري مانبشت وراه ابدا لكن بالصدفه اليوم اخذت جواله لاني ببحث في قوقل لان ماعندي نت
المفاجاه اني لقيت كلمات البحث الاخير كلها جالس يبحث عن زوجه ومن جنسيه معينه
طيب والزوجه اللي عندك ليش ماتحتويها ليش تظلمها وهي اللي تحملت فقرك وظروفك السوداء
تحملت كثير كثير فوق طاقتي حتى وفوق هذا عمري ماحسست الناس بظروفك ..
معقول اهمالي بشكلي هو السبب
طيب انا اكثر من مره اطالبك في شغاله وانت ترفض
وكم مره اطالبك اجيب شغاله بالساعات وانت اللي تمنعني
وانا اكثر من مره اهتم في حالي وانت اللي مايفرق معاك
انت اللي وصلتني لهذي المرحله
اهملتني من كل النواحي


بس ارجع واقول لا لو كان متضايق من اهمالي بشكلي كان على الاقل صارحني
والله ماادري انا ايش قاعده اكتب
وماادري كيف اتصرف
هل اساله او اطنش
انا حسيته جاد جدا لاني تتبعت الممؤشر لاقيت هذا الموضوع اللي يبحث عنه من فتره
الصراحه مو قادره اشوف وجهه


والله مخنوقه
واعرف كلامي مخربط
لو ماعندكم رد ادعولي
لا من زوج ولا من اهل
الله يرزقني الوظيفه اللي تغنيني عنهم كلهم