كيف اتصرف ؟

السلام عليكم
انا جديده فالمنتدى كنت اقرأ فقط بين فترات متباعده
وقررت اسجل لاعرض عليكم مشكلتي
بنات اعتبروني اختكم وساعدوني بنصيحه او خففوا عني
انا حبيت افضفض لكم بعد معاناه ربي اعلم فيها
انا عمري 17 سنه امي وابوي تطلقوا وانا عمري 3سنوات .. ابوي يعد الطلاق بسنه تقريبا او اقل تزوج وزوجته ما حملت عندها مشكله اعتقد المهم انها حملت بعد فتره وجابت توأم بنات وعمرهم لحين 4سنوات
امي ما تزوجت ع طول ربتني وهي معلمه وعشنا مع بعض كنت بين اسبوعين او 3 اروح لأبوي يوم وحده طبعا لان هو مو مهتم رحت او لا .. المهم انها تزوجت من 3سنوات من واحد مطلق وعنده عيال وامي حملت ع طول ولحين عندها بنت عمرها سنتين
المهم يا بنات زوج امي واحد قليل ادب بعد زواجهم بسنه وبعد ما ولدت امي لاحظت عليه يجلس يشوفني بنظرات فالبدايه م كنت فاهمه نظراته كان عمري 15 وبعدها زاد العيار وتم لما يشوفني لحالي يجي ويتلزق فيني انا خفت وتم وايد يسوي هالحركه قلت لامي فالبدايه سكتت وبعدين شافته بنفسها وصارت مشكله بينهم وقالتلي روحي عيشي مع ابوك انا ما ابي اتطلق مره ثانيه وقتها حسيت ان امي تخلت عني مع ان المفروض تتخلى عن زوجها النذل
المهم رحت مع ابوي وياليتني ما رحت ابوي استقبلني وزوجته بعد ما توقعت زوجته تستقبلني مع ان قبل ما امي تتزوج كنت ازورهم بين فتره وقتره يوم وحده بس وكانت تعذبني وتضربني ع اتفه الاسباب وانا صغير
المهم اول كم يوم كانت اموري تمام وبعدها انقلبت الى خدامه اغسل وانظف واطبخ وهي حاطه رجل ع رجل حتى بناتها ما تهتم فيهن انا ما عندي مشكلهعادي اهتم فيهن هن خواتي بس ابي وقت اذاكر فيه ما كانت تخليني وحتى غرفه خاصه فيني ما عندي البيت فيه 3 غرفات ومخزن للأغراض غرفه لابوي وزوجته وغرفه لبناتهم وغرفه مخلينها للأولاد اللي بعدهم ما جو وانا مخلتني فغرفه الاغراض كلها كركبه واغراض فوق بعض وغبار وانا انام بينهن طلبت من ابوي اني ابا انام فغرفه خواتي قال لي الغرفه صغيره قلتله طيب فالغرفه الفاضيه قال مخليها للضيوف وهم والله ما يجيهم غير اهلها
من فتره قالت لي سوي شاي سويتلها ولما وديته لها كبته فرجولي قالت بارد والله احترقت رجولي وجلست اصيح وزادتني ضرب قالتلي انقلعي سويلي شاي غيره لما جاء ابوي خبرته سوت نفسها بريئه وانه هو طاح منها وقالت انها اعتذرت مني والله هي م اعتذرت
وكم مره تضربني بعصا المكنسه تقول اني ما انظف عدل
انا مو عارفه شو اسوي ما قادره اصبر معها ولا قادره اروح لأمي شلون اتعامل مع زوجه ابوي
اسمحولي طولت عليكم بس حبيت افضفض واخذ المشوره منكم