كيف اتصرف

السلام عليكم
بنات انا عند اهلي وبعاقب زوجي وامي قالت طنشيه لاتردين عليه اهنتي نفسك كثير معاه ..... لين يحس ويتعدل
المشكله سبق وكتبت مواضيع زوجي تغير بسبب اصحابه وصار كل شهر يبيني اسافر عند اهلي
وطق سنتين تاركني عند اهلي ويجيني بالشهر اسبوع
يتعلل مامعاه فلوس
ويوم اهلي كلموه واخذني هجرني وعاقبني وصبرت عليه ودخلت اهله بالموضوع
وياطول السنتين مشاااكل واغمي علي عنده من كثر المشاكل
طبعا هو تغير علي وتعلق،باصحابه وصار يملني
ويطالب اروح كل شهر عند اهلي واعلي يبعدون 1200كيلو
وتمسكت في بيتي والله لايوريكم هاجرني ومطنشني ومايطالع فيني خير شر
حتى بالفراش ماعاد يحتاجني
طبعا لاحد يقول عنده حريم لان حلف عالمصحف يوم جا يرجعني انه نظيف،
والله اعلم به
المهم جاني ورم وقرروا عمليتي ومن قبل عمليتي يقول سوي العمليه وروحي لاهلك بروح مع اصحابي تعبت معاك بالمستشفيات !!
قلت خل اقوم بالسلامه وبعدين هذا وقته وهذا همك !!
سويت العمليه وجو اهلي زاروني جلسوا اسبوعين كنت تعبااااااانه مره
تخيلوا راحوا اهلي ديرتهم وبس طلعوا من البيت وانا اتوجع،
الا هو قالب وجهه ومو طايقني
قال ليش ماسافرتي مع اهلك !!
انا تعبانه ياناس مافيني،اركب سياره اصلا
وزعل وقسم بالله مايمر يوم الا ابكي فيه من تعامله
عانييييييت صار قاسي معاي يقول احتاج ارتاح بعدما تعبت معاك بالمستشفيات
قلت اوكي محد جبرك انا كنت اروح مع كريم وماعمري قلت وديني انوحجت برغبتك توديني،
وزياده انا عانيت اكثر ونفسية مرضي وعمليتي وتعبها المفروض تفكر فيني معاك احتاج جو راحه وسفر ونقاهه
تعبت معاه وصرت عصبيه جدا
ويوم جا الحظر قال روحي لاهلك ورفضت ..ابي بيتي وباقي تعبانه لو احتجت مستشفيات لازم دكتوري صعب اغيره
وبرضوا هجرني وزعل وكرهني بحياتي
كنت اقول روح مع شلتك اتركني ببيتي ويزززعل يقول ابي ابات عندهم
طبعا وراني،فيديوهات فعلا كلاب جالسين ينادونه تعال انبسط معانا ....
ويحلف ان حريمهم بديارهم لهم ثلاث سنين مايجونهم،غير بالثلاث الشهور مره
المهم صار متملل مني ومايبيني
وحتى الفراش ويستخدم معاي اساليب تطفيش
تخيلوا بعدما تركني عند اهلي سنتين ماعاد اثق فيه اروح لاهلي
وطلبت الطلاق مرات ورفض وقال،الموضوع مايستاهل
الحين جيت عند اهلي وخبرت امي وقالت طنششششششيه
واذا جا ياخذك لاترجعين هذا مايستاهلك
طبعا ماحكيت لكم كل شييييي هذا شي بسيط
هو من النوع اللي يتصل كل يوووم مو محبه لا لا طبع اهله كذا علشان يعرف اللخبار اول باول،
بنات الحين مطنششششته بس اعطوني حيل كيف اخليه يندم ع تعامله وكلامه الجارح
ترى ماحكيت لكم كل،شي
وصبرت عليه
طبعا ابوي واخواني ماراح ادخلهم علشان لاتكبر اكثر
هو الحين مبسووووط يوم جيت اسافر
واصلا هو داشر من ثبل يتزوجني
بس صبرت عليه خوفا من نظرة عيال عمومتي يشمتون فيني يومي تزوجته
اعطوني طرق اادبه فيها،...
الحين يرسل وش فيك ماتردين خير
وانا مطنننننننشه
نسيت اقولكم يوم كنت،بجي،عند اهلي،قلت بجلس اسبوع وبرجع لي لوازم
قال لااشوفك الا بعد شهر
واذا جيتك نروح نعيد عند اهلي
قلت باقي تبي عيد معاي يومي اترجاك بعيد رمضان نستانس وتقول العيد لحالنا بايخ ومايصلح
وحلفت ماعاد اعيد معاه
اهله مررررره متشددين لازم عيالهم يعيدون بحريمهم عيب يجون بدون حريمهم
وانا تعبت معاه وقلت بطنشه ادري بيترجااااني ويراضيني علشان ياخذني،لعيد الحج ان شاء الله يرضي اهله


بس هو كاره العيد معاي رح اوريه،يكفي صبرت وضحيت
لعلمكم انا انسانه الحمدلله جميله و اجتماعيه ودلوعه واهتم بنفسي كثييييير واحب الضحك والحفلات وجو الوناسات