كيف اتصرف؟ انصحوني

السلام عليكم ورحمه الله وبركاته


بنات انا عندي بنت فالروضه والسنه القادمه بتدخل صف الاول
وساكنه جنبي اخت زوجي واحنا متعودين كل اسبوع الخميس او الجمعه نروح معها بحكم انها هي الكبيره نتجمع احنا وام زوجي واخواته وحريم خوانه
انا احب اشجع بنتي ودائما احفزها وهي ما شاء الله تبارك الرحمن شطووره ومتفوقه تحفظ وتركز ما شاء الله والمعلمه تثني عليها وتمدحها كثير ودائما تعطيها هدايا
بنتي يعمري من فرحتها وحبها لعمتها كل اسبوع تشيل الهدايا وشنطتها وتوريها عمتها تقولها شوفي انا شطوره الاستاذه شوفي شو كاتبه لي وتوريها الانشطه وما شاء الله كلهن درجاتها ماا ناقصه 10/10
وتشيل الهدايا تقولها عطتني هذا


عمتها ردها ع طووول اي نفس بنتي ترا فلانه هي شاطره ما بس انتي وبنتي تنحبط وتروح عنها وكل اسبوع ع هالحال
منعت بنتي ما تقولها ولا تشيل اغراضها بس ماا رضت زعلت وبكت وتقول بوري عمتي وكأنها تنسى اللي صار الاسبوع اللي فات
ما هنا المشكله المشكله ان بنتي كانت واثقه من نفسها بس لحين صارت ثقتها صفر
دايما تقول انا ما شاطره
وانا ما احفظ
تعبت وانا اعزز لها وارفع من معنوياتها بس ما تبي احد يعزز لها غير عمتها وهي بس تحبطها
الاسبوع اللي فات كانت شايله لها رسمه < بنتي تحب الرسم كثير> وورتها عمتها تقولها شوفي رسمتك
قالت لها بنتي راسمتني احلى من هذي وهي تعرف ترسم وحلو رسمها
بنتي ردت البيت ورمت كل رسوماتها وهي تصيح تقول انا ما اعرف ارسم .. ولحين مر كم يوم وهي ما رسمت
شو اسوي كيف اتصرف؟ بنت عمتها اكبر منها ب 3 سنوات .. هي صف الثاني
مع العلم هالبنت تغار من بنتي كثير ولما تجي عندي تخرب كل اغراض بنتي والعابها ولما نروح احنا تخرب اغراضها عن بنتي واذا لبست شي تجيني وتقل ادبها قدام امها ولا تعلمها تقولي ليش تشري لبنتك وانا ما تشريلي انا انحرج واقولها انتي عندك
شلون اتصرف
لا تقولوا لا تروحوا لهم تعبت وانا اقول لزوجي ما لازم كل اسبوع بس بدون فايده ما يرضى يقول نتجمع كلنا هناك
بنتي احاول ما تتكلم بدون فايده تحب عمتها وتبي توديها كل شي وبين كم يوم تتصل فيها وتسولف معها