نامي بدري واصحي بدري احسن لك
لو نمتي بدري تصيرين منتي محتاجه نوم بعد الغداء
الوقت هذا تستغلينه بترتيب البيت والطبخ وغيرها
اكثر شي يتعب السهرررر وسبحان الله الاشغال بالليل ماتقدرين تخلصينها
(وجعلنا النهار معاش وجعلنا الليل سباتا)
هذا تنظيم الحياه عند خالق الكون
صعب تخلين النهار نوم والليل سهر ماتضبط امورك ابداااا
ازم حبيبتي تتنازلين شوي عن نظرتك الكماليه لانك حتى لو جبتي شغاله لا يمكن تتقن الشغل زيك وبكذا راح تتعبي نفسيا اكثر وتقولي في نفسك ادفه لها راتب وما تسوي اللي في بالي
انا اقول لك هالشي لان طبعي قريب من طبعك وفيني حب الكمال في البيت وانقد بيتي و نفسي بس سبحان الله الناس
ما انقد عليهم وادور لهم الاعذار اذا شفت بيوتهم ماهي نظيفه
بس مع الاطفال والدوام ومشاكل العمل والبيت والاطفال وظروف المرض اللي تدور على اهل البيت والصحه اللي تتردى
استسلمت للامر الواقع وهديت العجله شوي شوي
وانتي لا تنسي انك تاخذي ادويه هرمونات وهذي تزيد العصبيه والانفعال غير الاعراض الجسديه عشان كذا لازم تتعلمي على فنون الاسترخاء
الله يرزقك الذريه الطيبه ويهدي بالك