كل هذا من السهر
حاولي تنامين انتي وزوجك الساعه وحده بالكثير واصحي للصلاة ونامي لوقت الدوام
لمى ترجعين ماراح تكونين مرهقه كثير لانك نايمه بالليل كويس
تغدي مع زوجك وتمددي لين المغرب وبعدين خذي لك دش دافي وألبسي وتمكيجي
وسوي حلى سريع مع قهوه
ورتبي بيتك يوميا ترتيب سريع وفي يوم ايجازتك رتبيه كويس

لاتطفشين زوجك حبيبتي بالتصرفات الغلط وعدم التنظيم
شوي كيف اغلب الرجال مسنترين بالاستراحات وتاركين حريمه
حببي زوجك في جو البيت

الله يعينك شوفي موضوعي حق الدعاء اللي يغنيك عن استخدام الخادمات

موفقه يارب

شوفي يا قلبي انتي شكلك تشتغلين بالصحه الله يعينك على دواماتهم

بس عندهم ميزه ان الواحد ممكن يفلسع بين فتره والثانيه اذا المدير مرن

انتي مشكلتك ببساطه حب الكمال

خير المور الوسط لا تفريط ولا افراط

انا اكلمك من تجربه كنت عروسه ومتوظفه وابغى كل شي كامل اطبخ وانظف واكوي واغسل واذا جاني احد لازم كل شي نظيف وتقديماتي متكامله ومن صنع يدي

لحد ما مر سنتيناو اكثر و جات السلفه الجديده وروح اسلم على العروسه والقاها متشققه ومبسوطه ولا غلبت عمرها ما شاء الله

واللي لفتني الغبار اللي على الطاولات تقدرين تكتبين عليه رساله

يعني يا قلبي عايشه حياتها


انتي خلي اهتمامك الاول راحتك وتغذيتك السليمه ونومك
وبعدين زوجك

التنظيف اشوف خميس وجمعه كفايه

ومهما زوجك يشرب قهوه وشاهي ما اتوقع اغراض الشاهي تسوي هذيك الكركبه.واهلك يسون لك الغدا يعني ما تطبخين

جيبي غسالة ملابس اتوماتيك واذا مانتي قادره على الكوي وحده تجيك مره في السبوع تكوي وتمشي


الله يسهل لك

جيبي شغاله بالساعات وراح ترتاحين

وش سويتي يابدر البدور

طمنينا عليك