السلام عليكم
كيف حالكم؟
ما بطول عليكم اخواتي انا متزوجه من ولد عمي وجنسيته يمني وهو غير موظف ويشتغل في اشغال حره
وانا موظفه والحين لنا قريب الست سنوات من اتزوجنا وربي اكرمني بحمل واجهضته والحين الحمدلله لك يارب حامل وفي الشهر التاسع
بندخل في السالفه ما بطول عليكم
اخت زوجي الكبيره متزوجه وطبعا هي اتصير لي بنت عمي وعندها ما شاءالله 3 اولاد وبنت وولدها الكبير وبنتها متزوجين وكل واحده فيهم عنده بنت ..
اتصل ولدها على خاله وقالت امي فيه حلقها ورم ووديتها المستشفى وقالوا لازم انوديها العاصمه صنعاء ونشوف شو هو قال زوجي لا لا توديها على اساس كان بيحول لهم فلوس علشان الفحوصات قال خلاص بنطلع لها فيزا للامارات وتيجي هنا وبنسوي لها فحوصات وبالمره بنطمن عليها المهم طلعوا فيزاتها واجت اخوي الكبير قال طبعا بنت عمنا بتيجي واول مره تيجي لازم نشتري لها هديه ذهب نحن لازم عندنا عاده لو حرمه تقرب لنا كثير نشتري لها ذهب وراحت امي واخوي وهي بنت عمي لمحل الذهب واشتروا لها طقم كامل واربع اساور وخاتمين وكلفهم 13000 وطبعا انا واخواني واخواتي مساهمين في الفلوس وقال لها اخوي شوفي هاذي الهديه من امي ومننا ومن اخواتي ..
طبعا زوجي هو بكيفه طبعا يبي هديته لوحده وهو قال بشتري لها اسواره ذهب
المهم مو هنا المهم يا اخواتي في الموضوع انه بنت عمي اول ما اجت حرمه تبيع انا خذيت لها 4 قطع قطن معه طرحهم وقطعتين فيهم شغل الوحده على 150 يعني طلعوا الست قطع 560 ودفعتها للحرمه الفلوس
ورجعت شلت 3 قطع وامي دفعت فلوسهم للحرمه البياعه وودتها هي وامي للخياط اول امس
وراح اخوها وجاب القطع الست الي انا اشتريتهم من الحرمه وفصلتهم لها جلابيات خيطتهم على 1000 وفوق واخوها دفعهم
ورجعت اتقول ابي عبايه مو عاجبتني عبايتي رحنا انا وزوجي وهي وفصلنا لها عبايه ب 170 واشترت طرحه على 80 واخوها طبعا دفع
وبعدين ونحن جالسين انا وهي وامي قالت لي بنتي قالت تبي عبايه ومرت ولدي بعد قلت لها خلاص ان شاءالله اذا طلعنا السوق بنفصل لهم
بعد يومين قالت كلمت بنات عيالي الصغار قالوا يبون عراوس
قلت لها ان شاءالله بشتري لهم قلت فرحت الاطفال تسوى الدنيا كلها
بعد اسبوع قالت كلمت بنتي وتبي جوال ومرت ولدي بعد تبي جوال
بعد كم يوم قالت كلمت بنتي وقلت لها ما طلعت للسوق تبي فستان علشان عرس ولد خالتها
وبعدين قالت كلمت بنت بنتي وبنت ولدي وحده قالت تبي تنوره والثانيه تبي فستان احمر
واول امس طلعت هي وامي الصبح للخياط وودت للخياط ال 3 قطع وفصلتهم وطبعا من بيدفعهم انا
تعرفون شو الي زعلني انه بنت اختها متزوجه والحمدلله مرتاحه وعايشه هنا وزوجها اماراتي وهواخو مرت اخوي يوم اجت وحده من اهلنا جابت لها كيس كله قطع وجلابيات مو مخيطه هديه وجابت لها 500 درهم وغير الي يجون يسلمون عليها والله اكثرهم يعطونها 500
اتخيلوا ايش قالت قدام مرت اخوي ياليت الحرمه جابت القطع هاذي بدري كان وديت هالجلابيه للخياط عجبتني قالت لها مرت اخوي عادي شليها معاج مو انتي رايحه لبنت اختج خليها اتفصلها لج هناك في نفس اليوم بيفصلها لج الا ب 20 درهم قاااااالت لاااااااااااااا يا ويلي من وين لها مسكينه بنت اختي :icon33:
انا صح موظفه بس مش مسؤوله عليها كل ما تبي شيء اتلمح لي يعني ادفعي ماخذه اخوي بلاش
انا سكتت ولا رديت عليها وغير كذا اجت الحرمه البياعه وجابت اكسسوارات وشباصات شلت ب 130 درهم وانا دفعتهم ولا تكلمت ولا كلمه ما احب اقول لاخوها كل شيء علشان ما يحط في باله اني مضايقه من تصرفاتها بس ما تقول لاخوها انه عيالها يبون ويبون بس قدامي وقدام امي
وعلى فكره انا عطيتها مويايل خدامتي علشان تتطمن علي عيالها والله يا اخواتي انه اخوها كل ما جاب لها بطاقه ب 50 اتخلصها في ويوم واحد حتى الاطفال الصغار اتكلمهم ما قلنا شيء بس مو حرام اخوها ما يشتغل هذاك الشغل يطلع من الصبح ويكد وهي اتشوف وغير انه يرسل لامه شهريا وغير اخوانها 6 منهم وكلهم متزوجين وبعيالهم كل شهر يتصل واحد ويقوله ولدي مريض حرمتي مريضه وهو يرسل فلوس والله انه ما يصرف علي يا اخواتي لاني ارحمه واقول من وين له يكفي اهله هو يصرف عليهم وانا والله راتبي رايح في سلفيه سيارة وفي راتب الشغاله واساهم في بيت اهلي لاني ساكنه عندهم واخته على بالها انه عندي بترول :icon33:
وانا اشتريت براتبي تجهيزات البيبي والنفاس ولا قلت له ادفع ولا قلت له شيء يعني يكفيني حامله نفسي وحامله مصاريف البيبي الي جاي في الطريق واحس اخته تحرجني قدام امي ومرت اخوي واخواتي
يا اخواتي شاورا علي وقولوا لي شو اسوي معاها يكفي اني مساهمه معه اخواني في الذهب واشتريت لها قطع واشتريت العراوس للبنات وبفصل عبايات لبنتها ومرت ولدها واشتريت الشباصات والاكسسوارات
وانا استحي اقول لزوجي ادفع لاختك اشترت واشترت من الحرمه يكفي الي فيه وداها المستشفيات الخاصه ودفع لها لانها قريب الـ4000 وبعدين راح للحكومي وسوا لها فحوصات ودفع فوق 1500 واخر شيء طلع كل شيء اوكي عندها والحمدلله
REEM ALSHOQ @reem_alshoq
عضوة جديدة
يلزم عليك تسجيل الدخول أولًا لكتابة تعليق.
فدوى1400
•
واووووووو وش هذي الحرمه مو صاحيه والله والمثل يقول اذا صاحبك عسل لا تلحسه كله وهذي فصفصتكم بقوه
الصفحة الأخيرة
وطنشي ولا كأنك تسمعين
أنت ممشيه حياتك مع زوجك وراضيه بالستر
ومو مسئوله عنها
مريضه ,,,, الله يشفيها وتتعالج وتتيسر
أما أستغلال لك ,,,,لاء
مهما تقول وتلمح طنشي ولا كأنك تسمعين
قالت لك بالصريح ...قولي لها بلغي أخوك
زوجك لو ما عنده بيتصرفويصرفها أو يعطيها
غير كيذا لا تتعبي نفسك في اللي ما يبي يشوف معروفك