كيف اتصرف مع اهلي وصاحباتي واسلوب حياتي الجديد

السلام عليكم ورحمه الله وبركاته
اول شي يابنات قبل لا اكتب موضوعي ابيكم تدعون لي تتحسن حالتنا لاني بحال لا يعلم فيه الا الله
المشكله ابتدت من 5 شهور زوجي طلعوة من وظيفته بعد ماكان راتبه 11 الف وضل 3 شهور يدور شغل يناسب مؤهله ولا حصل بالنهايه شاف له صاحبه شغله رجل امن براتب 4300 ريال والحمدلله علي كل حال اهم شي الستر
تركنا شقتنا الكشخه والي فيها ديكورات وكان ايجارها 24 الف وبدينا نقتصد ورحنا لشقه قدنا ب12 الف سنويا ومن يومها حياتي كلها تبدلت اهلي وتهكمهم الدائم مانحب نجي شقتك صغيره ودرج ومتعبه وماادري ايش واخواني كل واحد يقط كلمه تجرح بدون لايحسون وحتي صديقاتي للأسف كل همهم المظاهر جو وشافو الشقه وماناسبت ستايلهم ومن يومها ماحد يجيني بعد ماكانو أسبوعيا عندي يتجمعون حسيت وش قد الناس كل همها المظاهر
انا ماهمني تغير وضعنا الحمدلله اهم شي مامدينا يدنا لحد ولا احتجنا ومستورين بس الي هلكني وتعب نفسيتي تغير الناس الي حولي واولهم اهلي ليه كذا يعني وش يبون اترك زوجي مثلا وادور لي واحد غني او اتخلي عنه بشدته بعد ماكنا عايشين بالرخا كيف اتصرف معاهم كيف اقنعهم اني راضيه بحياتي واحب زوجي وماحد هامني حطموني وحسسوني اني مااسوي بدون شقه كشخه وضيافه من كل نوع ولون وثياب ماركه ليل ونهار ادعي ربي يصبرني مو علي وضعنا لا علي تصرفاتهم وتجاهلهم لي فعلا الواحد مايعرف الناس الا بالشدايد ادعو لي ربي يلهمني الصبر يابنات والي مرت بنفس حالتي كيف تصرفت مع هالناس الي كذا
للمعلوميه المعرف مشترك ربي يعطي كل وحده بترد علي راحه بال وسعاده دائمه يااااااارب