كيف اتصرف مع اهل زوجي تعبت اجاملهم ؟..

السلام عليكم

انا تزوجت صغيرة ومو فاهمة كثير بالحياة وكانو اهل زوجي يتدخلو بحياتنا كثير وانا صابرة ومطنشة
تزوجت من 7 سنين
و من سنة ونص سكنت بشقة عند اهل زوجي
طبعا ربي مارزقني بالولد الا الحين الحمدلله

مشكلتي انهم يتدخلو بحياتناكثيروزوجي مو حاب هالشي ودايما هواش بينه وبين اهله
هم كبار ومو متزوجات
واحيانا انا اللي اهديه واقوله هذولا اهلك لازم تصبر عليهم مابي مشاكل
والله يابنات صبرت على اللي مايصبر عليه احد
تعبت خلاااص ابي حل
طبعا احنا ساكنين بالدور الثاني
اتخيلو اذا بنطلع بالسرقة
وين رايحين من وين جايين
وليش رايحين
وليش كل يوم بتروحي لاهلك
وليش ماتسوي كذا وليش سويتي كذا
واذا سافر زوجي يتمشى
ليش خليتيه يسافر
وانتي ماتعرفي لزوجك
بالمختصر يابنات يشوفوني مااعرف لشي يابنات وهو العكس
واحدة من خواته طفشتنا من حياتنا
هي اكثر شي
اذا طلعنا كل شوي تتصل ياناس ابعيش حياة مستقلة
احس انها متحكمة بحياتي
يقالك تنشغل علينا
اذا كنت عند اهلي تتصل متى بتروحين
وولدي ياناس اللي حصلته بعد 6 سنين
يحسسوني ياناس انه مو ولدي
والله كاننا قسمنا الحمل بيني وبينهم
سويله كذا
اعمليله كذا
لاتسوي كذا
ادري كثير بيقولون كل اهالي الزوج كذا لا والله يابنات انا ماانكر ان اهل زوجي طيبين معايا ولاعمرهم جرحوني
بس مو حاسة اني عايشة حياة خاصة

بس نكدوني من عيشتي
في بالهم اني مااعرف لشي
اتخيلو اذا شلته
كسرتي رقبته والا ظهره
احيانا تقولي اعطيتيه حليب
اقولها ايوا
تقولي لاتكذبين علي
بالله وش مصلحتي اكذب
وبعدين وشدخلها بولدي عطيته ماعطيته
يعني هي حريصة عليه اكثرمني
اتخيلو كل تصرف اسويه عندهم غلط
اتخيلي تعيشين مع ناس كذا
ومتحكمين بنومه يابنات اقولهم لاتنيمونه ينيمونه
اقولهم عشان انظم نومه ومايتعبني يقولون خليه يتعبك عادي
اتخيلو كانه ولدهم وحاطينه عندي امانه بس
عطيه حليب.. رقديه... اذا نزلت عندهم ياخذونه مني وانساه
مايسألون حتى اذا ماعرفو لشي
الحليب يعطوه بكيفهم
دايما اسهال عشان يزيدون كمية المويا
دايما طراش عشان يجرعوه اكثر من اللازم
يعني هم مابعرفون لشي
ومسوين فيها العكس
يوووه وش اقول بعد
تعبت والله
فيه اشياء كثيرة ماقلتها
تفكيرهم متخلف :44:
ترى انا ساكتة وصابرة
زوجي يكره تصرفاتهم واخوانه كمان
وحدة من سلفاتي ماتقابلهم حتى ولا يطيقون بعض
وانا ماابي اوصل لهالواصيل
وسلفتي الثانية نفس الشي ويتحكمون بعيالها لدرجة متتصوروهاا

والله يابنات انا صابرة وساكنة ماابي مشاكل
ومااقول لزوجي شي
لانه عارف تصرفاتهم بس هم يكثرون علي اذا كنت وحدي لانهم عارفين زوجي مايسكت
اخرها قبل امس طلعت تبي ولدي بتنزله تحت زوجي قال لاتنزليه وقالي اذا طلعو يبغونه لاتعطيهم
ودخلتني بالسالفة انتي ماتبغينه ينزل وانتي وانتي بس بعد ماراح زوجي
المهم
وباخر الليل طلعو وشافو زوجي نايم اخذوه مع اني اعطيتهم سبعين عذر بس اخذوه
وبالنهاية زوجي زعل وقال انتي السبب

بنات انا اخاف يكبر يكون مهزوز لانه مارح يتربى على يدنا وفي بيتنا بس
راح يعاندونا بتربيته
اتمنى انقل بس مانقدر حاليا
قولولي وش اسوي
انصحوني والله تعبت