كيف اتصرف مع بنتي

اساور من ذهب :

اول شي الله يخليها لك يارب ماشاء الله تبارك الرحمن بنتك مو صغيره بتفهم لازم تعاقبيها حطيلك كرسي وسميه كرسي المعاقبه او ركن اي تصرف معجبك فيه حطيها فيه في البدايه راح تعصب وتبكي مع الايام راخ تفهم ايش هو الكرسي ولا تتنازلي عن العقاب مهما كان خليها تتعاقب لو ساعه اهم شي ميكون عندها تي في او اي وسيله ترفيه انا الى الان اتعامل معاهم بهذي الطريقه بنتي سنه سادس واذا قولتلها يالله ع الكرسي تجلس تترجاني ودموع لحدت مااقلل المده لها اما الثانين الصغار اولا مايعرفو الوقت ومستحيل اسمع كلامهم واقولهم اي كلمه ثانيه ازيد المده اقل شي اعاقبهم ربع ساعه نجي للنقطه الثانيه حكاية البكى والصراخ ،،خليها تبكي لحدت ماتقول بس طنشيها اذا بكيت قوليلها ابكي بقلبك ماابغ اسمع صوتك واذا زودتها خليها تروح غرفه ثانيه تبكي برحتها اهم شي لاتكلميها ولا تطالعي فيها مع الايام راح تعرف انه مافي امل تحققي رغباتها فبتسكت اما النوم انتي قبل ماتقوليلها يالله ننام اديها خبر بوقت فرضا قوليلها دحين بابا يجي ونتغدا بعدين ننام شويه ونصحى ونلعب مع بعض وكل شويتين قوليلها دحين يجي بابا بعدين ننام لحدت مايجي ابوها قوليلها بابا جا دحين نتغدا وننام في البدايه راح ترفض انت فهميها ليه ننام قوليلها حرام بابا يجي تعبان ومن الكلام هدا اما حكايه غيرتها مع حملك دائما قوليلها اختك او اخوك بالاسم اللي مختارينه يحبك قلي بوسيها وانت بوسيها حتى لو ضربته قوليلها انا اتعورت واتالمي الحفاط بصراحه انا اخليهم ع كيفهم هما يقولولي خلاص ماابغ اللبس يعني يوصل عمرهم4 سنوات وهما يلبسو متى ماقالتلي ماابغ البس مالبسها اما الاكل لاتغصبيها ع الاكل كل الاطفال كدا الله يعيننا ع تربيتهم معليش طولت بس حبيت افيدك بالاشياء اللي ربيت فيها بناتي واكيد باذن الله في امهات افضل مني يدوك حلول

اول شي الله يخليها لك يارب ماشاء الله تبارك الرحمن بنتك مو صغيره بتفهم لازم تعاقبيها حطيلك...

ندى أحمد2 :

شوفي بس دا مو حب لما نخلي الطفل يمشينا على كيفه ويضربنا لا احنا كدا بنفسده اهم شي الحزم ثم الحزم ثم الحزم روحي اليوتيوب شوفي كم حلقة لسوبر ناني البرنامج الامريكي المربية البريطانية

شوفي بس دا مو حب لما نخلي الطفل يمشينا على كيفه ويضربنا لا احنا كدا بنفسده اهم شي الحزم ثم الحزم...