كيف اتصرف مع خواتي الي يتهموني.

السلام عليكم
جيتكم بمشكلتي والي اتمنى تلاقي منكم تفاعل
حتى مااغلط واقطع رحمي الي وصاني ربي عليه
هذي انا الصغيرة بين تلات خوات متزوجة ولي اطفال
كل من جات من خواتي تنتقدني ..ليش ماسويتي
ليش قلتي كذا
المفروض تصرفك كذا
اختي الكبيرة ف مرة متسلطة وتحب تنكد
اذا رحت مشوار وماقلت تكلمني تلفون وتهاوش
اختي الوسطى ن تابعة ل اختي ف بكل شي
حتى مشاويرهم سوا ورحلاتهم و سفرياتهم مع بعض
عطيتكم نبذة صغيرة عن وضعي معاهم.

اختي ن دائما على خلاف مع زوجها
وبكل مرة تخبرنا عن ما قاله عنا وعن العائلة
دوم يحش بعيلتنا
المرة الاخيرة كانت بتطلق ..خبرتني انه زوج ف وزوجها تكلمو على زوجي..
وانا لم اعط الامر اهمية وماحبيت استفسر !!
ايضا ادخلت اختي ن ابني الصغير في خلافاتها مع زوجها واتهمته بانه نمم على زوجها مع انه توه ولدي كان واصل يومها.
مريت مرور الكرام على الاتهام المستفز وعذرت حالتها بحكم نفسيتها الي بالحضيض
فاتت ايام ورجعت اختي ن لزوجها
بعدها كلمتني ف
وماعجبها انه ن رجعت لزوجها بهذي البساطة
قالت لي كيف رجعت وزوجها تكلم وقال وقال وكيت وكيت وقاعدة تلت وتعجن انا هنا قلت لها :
اخبرتني ن انه حتى زوجك تكلم على زوجي
لكن طنشت ..قصدي ماعطيت الامر تفاعل
هي ماقالت شي ساعتها
ف راحت كلمت ن
وواجهتها بالقصة الي انا حكيتها ل ف
وانه زوجها تكلم على زوجي!!
واتصلت علي ن وقالت اني نمامة
و اني الفت القصة وافتريت على ازواجهم وحلفت واغلظت بالحلفان انه زوجها ماتكلم ولا قال!!!
قلت لها انتي لي قلتي القصة وانا قصدي
ابين ليكم انه ماهمني كلام ازواجكم عن زوجي.
اختي قالت تجمعنا ثلاتنا مع بعض وتشوف مين الكذابة فينا وانا رفضت الصراحة لاني خفت القطيعة والموضوع يكبر
الحين فزعتكم مين الغلطان بالقصة؟