كيف اتصرف مع معلمة بنتي

هلا والله

انا عندي بنت بصف اول ابتدائي وبمدرسه اهليه
وبسم الله عليها من يوم كانت في التمهيدي موهوبه بالرسم ومعلمتها دايما تشكر فيها وفي تلوينها

انا احسها الفتره الاخيره تغير رسمها بس يبقى ماشاء الله افضل من اللي بعمرها
ومعلمة الفنيه رشحتها لمسابقه عن الوطن على مستوى المدارس


المهم جتني اليوم ضايق صدرها تقول ماما انا رسمت رسمه حلوه وقلت للمعلمه تعلقها في الفصل وقالت رسمتك مو حلوه وشينه وماتنفع طبعا معلمة الفصل

انا انقهرررت بصراحه هاذا اسلوب كان المفروض تعلقها بس تشجعها يوم وتشيلها او تقولها انها حلوه بس ارسمي احلا منها واعلقها لك

وشفت الرسمه والله ماهي شينه لهدرجه انها ماتتعلق

ومادري كيف اتصررف معها اسكت واطنش ولا ارسلها خطاب اوضح لها فكرت اكلم المشرفه بس قلت بتكبر السالفه بس ابي اذكرها برعاية الموهوبين لان قبل سنتين كانت بنتي الثانيه عندهم وكانوا مهتمين بهالموضوع


اصلا انا مااعجبتني المعلمه احسها مالها خلق التدريس كنها جايه غصب عنها وهاذي صعبه تمسك صف اول يبي لهم سعة صدر وطولة بال

اكيد بتقولون مكبره السالفه وماتسوى واني حساسه بس والله لو تشوفون وشلون بنتي ضايق صدرها ويوم شفت الرسمه وشجعتها وقلت رسمتك احلى من كل اللي بالفصل انا شفتهم قالت ايه صح يوم تجين وشلون تغيرت وانبسطت وقالت بوريها بابا اذا جا

انا ابي منكم ارائكم وشلون اتصرف وتعطوني طرق انمي الموهبه عندها