كيف اتصرف مع هالانسان

السلام عليكم ..اخباركم .
وربي مو عارفه كيف ابدا موضوعي انا بعد كم شهر بكم ثلاثه سنين ليا متزوجه ومشكلتي سارلها كم شهر متطوره لدرجه انا مو قادره اتحمل لدرجة طلبت الطلاق ولقيت انو انسان بايع ولا حاول انو يتمسك فيني مع انو بيننا طفل ودحين انا حامل اللي حولينا عبالهم اننا مبسوطين ومرتاحين مع بعض بس وربي تعبت موت تعب مو عارفه كيف اتصرف مع هذا الانسان نايم طووول النهار ويصحى بالليل واذا كان نايم مااخرج وفي الليل اقصد 11 او 12 فين اروح اسكت واجلس واذا كان في البيت طول وقتو على الجوال لانو محمل لعبه وجالس عليها ليل ونهار واكتشفت انو يخونني صارحتو قام يحلف وانو الشيطان يلعب عليا وارجع اكتشف انو لسا يخونني وحارمني من كل المشاعر اللي من حقي يهينني كم مره يقولي لو عندك كرامه روحي بيت اهلك مو تذلي نفسك عشان ارجعك بس مااقدر افكر في اولادي ماابغاهم يتربو بين بيتين لدرجه مره تعبت منو ومن معاملته وحطيت اغراضي في الشنطه ومايهمو الموضوع اخذها ونزلها السياره عشان يوديني بيت اهلي انسان بايع لدرجه فضيعه ومن بداية زواجنا وهوا يقولي بتزوج الثانيه ودحين قال لاهلو فاتحهم في الموضوع انسان اتكالي لدرجه فضيعه مايسوي شي في البيت ويبغى كل شي كامل بس والله مو قادره ولدي الله يحميه ويحفظه حركي تعبت معاه لدرجه كل يومين ثلاثه ارسلو عند اهلي كم مره قولتلو لاتحرمني من المشاعر الحلوه لاتحيجني لغيرك بس ابغاه يحس فيني قالي روحي اتعرفي على واحد مايهمني تعبت منو والله مو عارفه كيف بكمل حياتي معاه واللي يقهر انو اللي يقولولو هوا اخوانو واصحابو يطبقو عليا بس طبعا مو الشي اللي يريحني اقصد انو يقولو احنا حريمنا مانخليهم يروحو لاهلهم او نغصبهم على شي وهما والله حريمهم عايشين حياتهم ويسوو كل اللي يبغونو ويجي مقلوب عليا وانا مدلعك وانت فيكي وفيكي قبل فتره قالي انتي لصقه فكيني منك اوكي انا اعترف اني ازن ولاصقه فيه بس بذمتكم ايش اسوي مااصدق يصحى عشان اجلس معاه طول اليوم ياجوال يا نايم يا طالع وربي اني اسكت يوم يومين بس لمن اطق ابغى اسولف احس اني مضغوطه بنفجر تعبت تعبت مو عارفه ايش الحل مستحيل افكر بالطلاق عشان اولادي في نفس الوقت ابغى حل اذا طنشتو ياخذ راحتو بزياده ويمكن ينسى انو متزوج تعرفو احيان يقول نسيت اني مخلف انسان زي كدا كيف الواحد يتصرف معاه معليش الكلام ملخبط لاني مضاااايقه