كيف اتعامله معه ابي شوركم قبل لاانهبل من برووده

لازم تعرفين وش قصده!!!!!!
يعني ما عنده مادة؟؟؟ولا يجمع بيعرس؟؟؟ولا بيطفشك؟؟؟ولا بيسوي لك مفاجأه ويجيب لك أغلى شي؟؟
تراه زوجك انتي لازم تعرفين كيف يفكر!!!!!

ماشاء الله لا اله الا الله عنده ماده ونص وقاعد يعمر اللحين فلل تجاريه

ويجمع بيعرس ماضنيت ابد <<<قايلة له لو بيعرس بيطلقني قبل

وبيني وبينك ابيها من الله طفشانه من بروده

والله عجزت افهمه

أنتي أعرف بزوجكي
أنا أعتقد أنها ما هي مسأله مادة أو زواج ثاني
هي تكمن في شخصية زوجكي
يبغى يكون صاحب الفكره وهو الي يبدا فيها
ما دامكي تزنين عليه ما هو زايده الا برود لأن اللا شعور عنده يعتبركي صاحبة الفكره فيرفضها
أنا أقول هدي الوضع ولا تجيبين طاري التأثيث لفتره
وهو ان شاء الله يفتح الموضوع من نفسه ويعتبرها فكرته
وانتي أعلم بموضعكم
----------------------------------------------------------
بعدين وش قصدكي ((عطوني حل والا طلقته))
الطلاق لعبه
أنا أحلف أنه ما هو على بالكي
بس ترى المنتدى يا أختي فيه كثير من الضعيفات , تصدق كل مايكتب ويمكن تقلد
فحاسبي الله يوفقكي

السلام عليكم عاشقه الجنان
اولا وشذا الكلام الله يهديك هالحين عندك بنوته حلوه وتبين تتطلقين ؟؟؟
افا عليك بس خذي الدنيا وناسه ياشيخه قولي لي بس من في هالدنيا مرتاح ابد مافي راحه بس الحمدلله على الصحه والعافيه ...
بالنسبه لمشكلتك اساسا انا اشوف ان مافي مشكله والله لا يجيب مشاكل بينك وبين زوجك بس بأقولك يمكن زوجك من الناس اللي فيهم عجز شوي تخبرين عاد في رجاجيل مايبون يسون شي ابد او أنه من الناس اللي يأجلون عملهم كل يوم لبكره او انه بااااااااااااااااارد مره وهذا شي عادي خبرك الباردين ياله يتحركون وعن خبره احكي ........ او انه من الرجال اللي يعتمدون على حريمهم في كل شي يعني انتي اللي كنتي تسوين كل شي فيه وحده زوجها خلاااااااااااااااااص معتمد عليها لدرجه تقول قسم بالله اني انا اللي اجيب الرخام وقطع السيراميك للعمال عشان يشتغلون فأنتي ياقلبي عادي وضعك وياما تسمعين سواليف زي كذا وياكثرهم الرجال اللي كذا
بعدين شوفي ليه هو مأجل موضوع التأثيث ؟؟؟
هل أنت من النوع اللي مايعجبه الشي بسهوله يمكن شايل هم الدوران والروحه والجيه لين يعجبك شي مثلا ؟؟؟
ماعنده ماده ؟؟؟
قلتي لا ماشاء الله تبارك الرحمن عنده
موفاضي أو مشغول في شي ثاني ؟؟؟
ممكن وعلى فكره ترى الرجاجيل مايهمهم تأثيث وذا الخرابيط راس مالهم مجلس الرجال يصير فيه كنب هذا شغلنا حنا الحريم نموت في التأثيث وشغله
طيب عندي لك حل
اطلبي منه يحط في حسابك مبلغ وقدره علشانك انتي بتدأين التأثيث ووتقولين له ماودي اشغل رأسك بهالأشياء
مثلا يوم روحي لحاللك يوم خذيه قولي ودي اسمع رأيك علشان رأيك يهمني
يوم صوري له الأشياء اللي عجبتك وقولي له وش رأيك فيها اروح اشتريها ولا لأ
اهم شي اهم شي اهم شي
فلوسك خليها لك وبما أنه مايحتاج ماله داعي تعودينه انك انتي تصرفين ترى والله اعرف وحده زوجها مره ماعليه بس خلاص تعود انه تشتري لعمرها ومصروف عيالها عليها ووصلت وشوي شوي صار كل شي فوق راسها راتب شغاله على سواق على على كل شي خلاص الرجال على ماتعود حتى لو معه كنوز الدينا قسم بالله وحده مره ماشاء الله غني بس هي ماعودته انها تطلب منه شي خلاص صارت هالحين عقب ماكبروا عيالها كل ماقالت ابي بقق عيونه ماتعود تطلب هالمبالغ رغم انها عاديه بالنسبه له
وطمنينا عليك ووسعي صدرك وكل شي بالهداوه وذكاء المره يصير

مدري

ام الخمائل ضيقت صدري بديت اوسوس اخذت جوال زوجي وقمت افتشه

فتو تسلمين ياقلبي ريحتيني بس هو مايبيني اروح السوق لحالي مشكوره على الرد

بس انا ابغى خدعه او اي شي اخليه يتحمس لانه طافي وماعنده همه يسوي شي ابد

حتى قلت له ان فيه مصممه تجي للبيت وتسوي كل شي ورفض بعد

الله يعيني عليه